Vitamin V3 moža naškodzić zdaroŭju — vučonyja

Vitamin V3 ci nijacyn, albo nikacinavaja kisłata, daŭno nabyŭ papularnaść z-za taho, što ličycca samym efiektyŭnym srodkam, jaki narmalizuje ŭtrymańnie chalesterynu ŭ kryvi i takim čynam «ačyščaje» arteryi ad zakuporki, źnižajučy ryzyku aterasklerozu, palapšaje krovazvarot i narmalizuje cisk.

Hety vitamin rekamiendujecca prymać dla palapšeńnia pamiaci, kancentracyi i myśleńnia. Jon nieabchodny mozhu jak kalcyj dla kostak. Nijacyn abaraniaje naš arhanizm ad uździejańnia harmonaŭ stresu, sadziejničaje snu i źnižeńniu tryvožnaści.

U pryrodzie najbolš nikacinavaj kisłaty ŭtrymlivajecca ŭ arachisie, nasieńni słaniečniku, jałavičnaj piačoncy, hrečcy, fasoli, kurynym miasie, morkvie, žytnim chlebie.

Jak piša Ars Technica, niadaŭnija daśledavańni, praviedzienyja amierykanskimi vučonymi, śviedčać pra patencyjnuju škodu praźmiernaha ŭžyvańnia vitaminu V3. Pra heta vučonyja raskazali ŭ artykule, apublikavanym u časopisie Nature Medicine. 

Jak tłumačać aŭtary, jany imknulisia zrazumieć, čamu niekatoryja pacyjenty zastajucca schilnymi da sardečna-sasudzistych zachvorvańniaŭ, navat kali tradycyjnyja faktary ryzyki, takija jak uzrovień chalesterynu i cisk, znachodziacca pad kantrolem.

Kamanda praanalizavała ŭzory płazmy kryvi 1162 pacyjentaŭ, kab vyjavić mietabality, źviazanyja z pavyšanaj ryzykaj sardečnaha prystupu, insultu abo śmierci na praciahu troch hadoŭ i pryjšła da niečakanaha adkryćcia: vitamin V3, jaki ŭžyvajecca dla źnižeńnia chalesterynu, moža być źviazany z ryzykaj sardečna-sasudzistych zachvorvańniaŭ praz svaje pabočnyja pradukty mietabalizmu.

U chodzie daśledavańnia vučonyja znajšli dva nieviadomyja mietabality, jakija ŭtvarajucca ŭ pracesie raspadu nijacynu, — malekuły 2PY i 4PY. Mienavita jany i źviazanyja z pavyšanaj ryzykaj sardečnaha prystupu, insultu i inšych sardečna-sasudzistych zachvorvańniaŭ.

U dalejšych daśledavańniach było vyśvietlena, što mietabality 2PY i 4PY źviazanyja z hienam, jaki kadziruje fiermient pad nazvaj ACMSD, što ŭpłyvaje na raspad nijacinu. Hety fiermient taksama źviazany z malekułaj VCAM-1, jakaja vyklikaje zapaleńnie sasudaŭ i ŭtvareńnie blašak u arteryjach.

U łabaratornych ekśpierymientach z čałaviečymi kletkami, jakija vyściłajuć kryvianosnyja sasudy, 4PY pakazaŭ vidavočnaje ŭzmacnieńnie zapaleńnia, vyklikajučy vypracoŭku VCAM-1. A ekśpierymienty na myšach pakazali, što pry ŭviadzieńni 4PY u ich nazirałasia pačatkovaja stadyja zapaleńnia sasudaŭ, što ŭ vyniku pryvodzić da raźvićcia aterasklerozu — chvaroby, suprać jakoj zvyčajna i prymajuć vitamin V3.

Rola 2PY pakul nie da kanca vyvučanaja, ale jaho suviaź z ryzykaj taksama nie vyklučanaja.

Vysnovy, zroblenyja vučonymi, prymušajuć śpiecyjalistaŭ raspracavać novyja mietady i schiemy prafiłaktyki dy lačeńnia sardečna-sasudzistych zachvorvańniaŭ, a zvyčajnym ludziam, asabliva tym, u kaho pavyšanaja ryzyka hetych zachvorvańniaŭ, rekamiendujecca bolš aściarožna stavicca da pryjomu vitaminu V3.

• 3
• 0
• 1
• 2
• 3
• 1
• 0
• 0