Hramadstva11

U Homieli vystavili na prodaž karabiel-hatel z usimi vyhodami

Hety płyvučy hatel (pa-navukovamu debarkadar) dobra viadomy ŭsim žycharam Homiela: atmaśfiernaje sudna pryšvartavanaje ŭ «akvatoryi» sanatoryja «Prydniaproŭski». Dva pavierchi, niekalki dziasiatkaŭ numaroŭ, adkrytyja pałuby, nievierahodnaja pryroda vakoł. Ale ciapier haspadar vyrašyŭ jaho pradać, piša «Anłajnier».

Fota: Anłajnier

«Źmianilisia žyćciovyja abstaviny, tamu vyrašyŭ pradać horača lubimy mnoju debarkadar,— tłumačyć svajo rašeńnie pradprymalnik. — Zrešty, sa ździełkaj nie śpiašajusia, tamu addavać jaho za biescań nie budu: kali nie pradasca ŭ hetym hodzie, ničoha strašnaha — praciahnu svoj biznes i pasprabuju ŭ nastupnym. Bałazie, usie pracesy adładžanyja i nastrojenyja».

Pry hetym stary haspadar hatovy infarmacyjna i technična padtrymać novaha ŭłaśnika. A taksama addać jamu ŭ dadatak usie sacsietki: u instahramie ŭ jaho amal 20 000 padpisčykaŭ, jość i svoj sajt.

«Terminovaha ramontu sudna nie patrabuje, ź im usio ŭ paradku. Ja pieryjadyčna niešta padpraŭlaju, ale heta, chutčej, ź lubovi da mastactva, čym dziela vostraj nieabchodnaści. Mnie chočacca, kab usio było pryhoža, dychtoŭna, ale ŭ toj ža čas kab zachoŭvaŭsia histaryčny duch», — havoryć haspadar karabla.

Pavodle jaho, tolki za minuły tydzień na karabli adpačyli čałaviek z 250 (heta z ulikam taho, što ciapier u pracy tolki 20 numaroŭ na druhim paviersie). Na nastupnym — štodnia budzie adpačyvać 34-35 čałaviek. Ciapierašni siezon vielmi dobry.

Pry žadańni debarkadar možna pieraprafilavać i pad niešta inšaje, na 300 «kvadrataŭ» možna ŭvasablać lubyja idei. Kamunikacyi na sudnie centralnyja, vada prychodzić i sychodzić praz sanatoryj, prablemy tolki ź zimovym aciapleńniem. Ale na hety vypadak pobač z karablom abstalavany žyły domik-kantejnier.

Za svoj karabiel hamialčuk raźličvaje atrymać $190 000 pa kursie.

Kamientary1

  • Łol!
    10.11.2024
    Połučił za bieścienok, podmazał biełoj kraskoj i załomił 190 t. zieleni? Tak nie byvajet. Diebarkadier vriemien sojuza prohnił i proržavieł. A eti krovati so vriemieniem mojej pionierskoj mołodosti vyzyvajut lehkij šok. Vrrrrr! Udači s poiskom durniej

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie32

Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema23

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić