U DTZ u Minskim rajonie paciarpieli piaciora dziaciej — vosiem čałaviek nabilisia ŭ lehkavuju Audi
Kiroŭca aŭtamabila nie prapuściŭ inšuju mašynu, jakaja jechała pa hałoŭnaj darozie.
U DTZ kala vioski Duličy paciarpieli piaciora dziaciej. Zdareńnie adbyłosia dniom 24 lipienia na 23-m kiłamietry trasy R-65 «Zasłaŭje-Dziaržynsk-Voziera».
Pavodle źviestak SK, kiroŭca Audi 100 nie prapuściŭ Nissan pad kiravańniem 65-hadovaha minčuka, jaki ruchaŭsia pa hałoŭnaj darozie. U vyniku mašyny sutyknulisia i atrymali surjoznyja paškodžańni.
Pavodle papiaredniaj infarmacyi, u Audi znachodziłasia 8 čałaviek, piaciora ź jakich — dzieci va ŭzroście ad 1,5 da 16 hadoŭ. Z traŭmami roznaj stupieni ciažkaści jany špitalizavany ŭ Minskuju abłasnuju kliničnuju balnicu.
Na miescy pracuje śledčaja hrupa.
Kamientary