Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»
Źviazany ź biełaruskim MZS telehram-kanał «Hłas MIDa» faktyčna paćvierdziŭ viersiju, što hramadzianin Hiermanii Ryka Kryhier prysudžany ŭ Biełarusi da śmiarotnaha pakarańnia za dyviersii ŭ rasijskaj Branskaj vobłaści, kala miažy ź Biełaruśsiu.
![](http://d3kcf2pe5t7rrb.cloudfront.net/img/w840d4webp1/photos/z_2024_07/2024-07-19165346-72isi.jpg.webp)
U paście kanała, praŭda, adkrytym tekstam hetaha nie śćviardžajecca, ale dajecca spasyłka na rasijski prapahandyscki resurs EurAsiaDaily, u materyjale jakoha fihuruje akurat hetaja viersija. Proźvišča niamieckaha hramadzianina jak u paście «Hłasa MIDa», tak i ŭ materyjale EurAsiaDaily čamuści pišacca jak Hryhier, a nie Kryhier, jak heta padavałasia raniej.
Dajecca taksama spasyłka na aficyjny kamientaryj pres-sakratara MZS Anatola Hłaza, jaki, adnak, maje vielmi ahulny i abciakalny charaktar, nie ŭtrymlivajučy anijakaj kankretyki. Ale sam fakt taho, što rasstrelny prysud niemcu vyniesieny, nie admaŭlajecca:
«Kantakty ź niamieckim bokam pa hetaj temie, viadoma ž, byli. Hety złačyniec źjaŭlajecca hramadzianinam Hiermanii i nam zrazumieły kłopat pra jaho hiermanskaha boku.
U poŭnaj adpaviednaści ź mižnarodnymi normami i dvuchbakovymi pahadnieńniami biełaruskim bokam zabiaśpiečany da hetaj asoby konsulski dostup.
Z ulikam prośby MZS FRH kankretnyja rašeńni pa najaŭnych varyjantach raźvićcia situacyi biełaruskim bokam prapanavanyja. Kansultacyi pa hetaj temie viaducca pa linii ministerstvaŭ zamiežnych spraŭ dźviuch krain».
Što viadoma pra sudździu i prakurorku, jakija vynieśli śmiarotny prysud hramadzianinu Hiermanii
Z-kanał: Imavierna, Kryhier arhanizoŭvaŭ dyviersii ŭ Branskaj vobłaści
MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi
Ci možna ŭ Biełarusi prysudzić da rasstrełu zamiežnika? Adkazvajuć jurysty
Połk Kalinoŭskaha admaŭlaje datyčnaść Ryka Kryhiera da padraździaleńnia
Rasstrelnaja sprava Ryka Kryhiera tyčycca jaho ŭdziełu ŭ Pałku Kalinoŭskaha — pravaabaroncy
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
Hramadzianina Hiermanii prysudzili ŭ Biełarusi da rasstrełu
Kamientary
Rychtujuć abmien na zabojcu ŭ pahonach Krasikava , jaki adbyvaje pažyćciovaje źniavoleńnie ŭ Niamieččynie.
Dla hetaha padklučyli Łukašenku kab jon pryhavaryŭ niemca da rasstrełu.
Typovyja hanstery praviać u RF i RB
Vielmi brudny schiematoz. Tut užo patrebny vizit nie Dudy, a Šolca ŭ Kitaj i čarhovaje zapavoleńnie/zakryćcio Małaševičaŭ.
Nieviadoma, jak jano vyrulicca. Ale ŭžo zaraz vielmi sumnyja pieražyvańni ab našych vajennapałonnych chłopcach-kalinoŭcach. Kali inšaziemcaŭ možna karystać u takim handli ludźmi, to našych fsbšniki mahli prosta viarnuć kdbistam na stratu biez usialakich umovaŭ, pa-bracku.