Niemiec, prysudžany da rasstrełu, datyčny da dyviersij? Voś što za historyja heta mahła być
Rasijskija resursy miarkujuć, što Ryka Kryhiera ŭziali ŭ pałon va Ukrainie i vyvieźli ŭ Biełaruś.
![](http://d3kcf2pe5t7rrb.cloudfront.net/img/w840d4webp1/photos/z_2024_07/replicate-prediction-sa1z5ggnz5rgg0cgsc4b41hm701-qx91w.jpg.webp)
Zhodna sa źviestkami partała EADaily, Kryhier datyčny da dyviersij «u rasijska-biełaruska-ŭkrainskim pamiežžy». Tady ŭstaje pytańnie — jakuju ž dyviersiju jon moh ździejśnić, kali rejkavaja vajna ŭ Biełarusi daŭno nie idzie? Možna vykazać tolki adnu zdahadku.
Adziny vypadak dyviersii ŭ Rasii, kali paciarpieŭ biełaruski ciahnik — a heta choć jakaja jurydyčnaja pryviazka da našaj krainy, — adbyŭsia ŭ Branskaj vobłaści 1 maja 2023 hoda. Tady adbyŭsia vybuch biełaruskaha ciahnika, jaki vioz u Rasiju paliva z Mazyrskaha naftapierapracoŭčaha zavoda. Łakamatyŭ byŭ źniščany niezvarotna, jak i čatyry vahony. Čyhunačnaje pałatno było značna paškodžanaje.
![](http://d3kcf2pe5t7rrb.cloudfront.net/img/w732d4webp1/photos/z_2023_05/170259-nabn1.jpeg.webp)
Na nastupny dzień niechta zrabiŭ jašče adnu dyviersiju ŭ Branskaj vobłaści. A 3 maja siłaviki skłali fotarobat i paviedamili, što čałaviek «mieŭ uzrost la 40 hadoŭ, pierasoŭvaŭsia na rovary». A Łukašenka sklikaŭ naradu, kab abmierkavać toje, jak spynić dyviersantaŭ.
![](http://d3kcf2pe5t7rrb.cloudfront.net/img/w732d4webp1/photos/z_2023_05/fotarobat230502-rnht3.jpg.webp)
Paśla hetaha na miažy Biełarusi i Rasii faktyčna ŭznavili pamiežny kantrol, uzmacnilisia dahlady na biełaruska-jeŭrapiejskaj miažy, a čyhunku achoŭvali siłaviki.
Pa źviestkach taho ž EADaily, Kryhier vajavaŭ u zamiežnym lehijonie HUR Ukrainy, jaki vydańnie nazyvaje «Pałkom Kalinoŭskaha». Kryhiera byccam by ŭziali ŭ pałon u listapadzie 2023 hoda i ŭ vyniku vydali biełaruskamu boku. Miesiac tamu hramadzianina Hiermanii prysudzili da rasstrełu.
«Naša Niva» — bastyjon biełaruščyny
PADTRYMAĆ
Kamientary