Alaksiej Tałaj prapanavaŭ dać Łukašenku zvańnie Hieroja Biełarusi
Viadomy prałukašenkaŭski hramadski dziejač Alaksiej Tałaj padčas vystupleńnia na «forumie patryjotaŭ», pryśviečanym 30-hodździu kiravańnia Łukašenki, zrabiŭ prapanovu ŭhanaravać jaho najvyšejšym u krainie zvańniem — Hieroja Biełarusi.
![](http://d3kcf2pe5t7rrb.cloudfront.net/img/w840d4webp1/photos/z_2024_07/2024-07-20153500-pf1mw.png.webp)
Bolš za piać chvilin rassypajučysia ŭ chvałaśpievach na adras Łukašenki i zroblenaha im, naprykancy Alaksiej Tałaj adarvaŭsia ad zahadzia padrychtavanaha tekstu ŭ mabilnym telefonie i prapanavaŭ:
«Darahija siabry, davajcie voś siońnia tut padumajem i prymiem rašeńnie. Sapraŭdy, naš prezident stolki harbieje na słavu našaj Ajčyny, usich nas. Mnie zdajecca, što jon dastojny zvańnia Hieroja Respubliki Biełaruś. I pad vašy apładysmienty, pad vašu padtrymku ja zaklikaju ŭsie hramadskija struktury, partyi ciapier chadajničać i pryniać usienarodnaje rašeńnie».
Naturalna, prapanova Tałaja była sustretaja burnymi praciahłymi apładysmientami. Heta vielmi nahadvaje atmaśfieru padobnych mierapryjemstvaŭ savieckich časoŭ, kali takim ža samym čynam, ad imia «pradstaŭnikoŭ naroda» prapanoŭvali ŭhanaravać to Stalina, to sastarełaha Brežnieva, to inšych partyjnych pravadyroŭ.
Prapanovu Tałaja ŭžo publična ŭchvaliła viadomaja danosčyca Volha Bondarava, jakaja apošnim časam dazvalaje sabie napadać navat na svajakoŭ Łukašenki.
Kamientary
https://www.youtube.com/watch?v=yztEflSxzDs
Triždy hieroj Biełarusi, čietyrieždy socialističieskoho truda, počietnyj hraždanin Drozdov, miedal zaŝitnika dvorca niezavisimosti, ordien hieroja bitvy pod stełoj "Minsk - horod-hieroj", počietnyj priezidient Biełoruśsii i kandidat v priezidienty sojuznoho hosudarstva, pieriedovik ŠOS