Biełaruskija konsulstvy ŭ Polščy bolš nie vydajuć daviedki, patrebnyja dla zamieny paśviedčańnia kiroŭcy. Što rabić?
Daviedka ab tym, što čałaviek nie pazbaŭleny pravoŭ, patrabujecca dla taho, kab možna było zamianić biełaruskaje paśviedčańnie kiroŭcy na polskaje.
Na płocie biełaruskaha pasolstva ŭ Varšavie źjaviłasia infarmacyja ab tym, što pa techničnych pryčynach časova prypynieny asabisty pryjom zajavaŭ na daviedki, jakija paćviardžajuć fakt vydačy paśviedčańnia kiroŭcy.
Zapisacca na padaču zajavy anłajn možna, ale bližejšyja daty ŭ Varšavie tolki na luty 2025 hoda.
Ci jość alternatyva doŭhamu čakańniu?
Daviedku ab niepazbaŭleńni pravoŭ možna atrymać u biełaruskaj DAI pa miescy rehistracyi. Kaštuje jana 25 rubloŭ, vydajuć jaje na nastupny dzień paśla padačy zajaŭki. Atrymać jaje možna jak samastojna, tak i pa davieranaści. Kali davieranaści niama, to prynamsi farmalna moža spracavać i davieranaść, zroblenaja za miažoj, jakaja budzie mieć nataryjalny pierakład na biełaruskuju abo ruskuju movu.
Daviedku, atrymanuju ŭ biełaruskaj DAI, treba budzie pierakłaści na polskuju movu. Daviedka ž, jakuju vydajuć u konsulstvie — adrazu vydajecca na polskaj movie. Ale i kaštuje jana značna daražej — 50 jeŭra (kala 180 rubloŭ).
Što rabić palityčnym uciekačam?
Ad biełarusaŭ, jakija majuć status uciekača abo znachodziacca pad dadatkovaj abaronaj, takuju daviedku nie patrabujuć, tamu prypynieńnie pryjomu zajavaŭ nijak nie paŭpłyvajuć na hetuju katehoryju biełarusaŭ.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»29
Kamientary
Vas tut nichto nie čakaje (miakka skazanaje).
Realna. Sačycie za karablom Maskva!
A što tyčycca daviedki z DAI RB, u niekatorych vajavodstvach takija daviedki prosta nie prymajuć, patrabujuć mienavita daviedku z ambasady RB u RP.
Raźbieritieś v voprosie dla načała.