U Bresckim abłasnym sudzie 15 lipienia ŭ zakrytym režymie pačnuć sudzić 36-hadovaha miascovaha žychara Dźmitryja Asijuka, jakomu zakidajuć adrazu čatyry ciažkija kryminalnyja artykuły, piša «Viasna».
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-10160736-9pfax.jpg.webp)
Dźmitryja Asijuka vinavaciać adrazu pa čatyroch artykułach Kryminalnaha kodeksa: č. 3 art. 289 (akt teraryzmu), č. 4 art. 309 (naŭmysnaje pryviadzieńnie da nieprydatnaści transpartnaha srodku), č. 3 i 4 art. 295 (niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ), č. 3 art. 207 (razboj).
Za jakija kankretna ŭčynki sudziać bieraściejca — nieviadoma, ale jamu pahražaje vialiki turemny termin. Spravu budzie razhladać Mikałaj Siańko.
Pravaabaroncam viadoma, što pad vartaj mužčyna ŭtrymlivajecca prykładna sa śniežnia 2023 hoda. Adrazu jaho ŭtrymlivali ŭ minskim SIZA-1, a ciapier etapavali ŭ bresckaje SIZA.
Viadoma, što Asijuk žyŭ u Biarozie, u jaho jość dačka.
Kamientary