Dniami Volha Bondarava aburyłasia vokładkaj partyjnaj haziety «Kamunist Biełarusi. My i čas», dzie jašče niadaŭna pracavała adkaznaj sakratarkaj, a ciapier uhledzieła derusifikacyju. Akazałasia, Bondaravu pazbavili nie tolki pasady ŭ haziecie.
Danosčycu vyklučyli taksama z Kamunistyčnaj partyi.
Mikałaj Vałovič, adkazny za ideałohiju ŭ Kampartyi, napisaŭ u kamientarach u sacsietkach, što Bondarava ciapier pakryŭdžana za vyklučeńnie z KPB.
Nahadajem, Bondarava raskrytykavała apošni numar haziety Kampartyi, źviarnuŭšy ŭvahu na napisańnie słova «biełaruskije» zamiest «biełorusskije» — jak joj, vidać, chaciełasia b.
«Hazieta «Kamunist Biełarusi» zajhrała novymi farbami. Redakcyja vyrašyła admovicca ad praviłaŭ ruskaj movy. Strašna padumać, što budzie dalej i da čaho pryviadzie derusifikacyja. Precedent pierad vačyma — heta Ukraina. Užo byłaja», — napisała prarasijskaja aktyvistka.
Kamientary