Premjer-ministr Niderłandaŭ, najvierahodniej, stanie novym kiraŭnikom NATA
Hienieralny sakratar NATA Jens Stołtenbierh zajaviŭ, što premjer-ministr Niderłandaŭ Mark Rute ciapier staŭ najbolš vierahodnym kandydatam na pasadu novaha kiraŭnika Aljansu, piša Ruskaja słužba Bi-bi-si.
Pakolki NATA prymaje takija rašeńni na asnovie kansensusu, to kandydatu patrebna padtrymka ŭsich 32 sajuźnikaŭ.
Niadaŭna Rute atrymaŭ padtrymku tradycyjnych «mocnych areškaŭ» Vienhryi i Słavakii, a tamu jamu zastajecca ŭhavaryć tolki Rumyniju, prezident jakoj Kłaŭs Jochanis taksama zmahajecca za hetuju pasadu i pa-raniejšamu vystupaje suprać kandydatury Rute.
Padtrymka Vienhryi stała mahčymaj paśla taho, jak Rute paabiacaŭ vienhierskamu premjer-ministru Orbanu, što kali jahonaja kraina nie budzie błakavać rašeńni NATA pa akazańni padtrymki Ukrainie, to samu jaje ŭ hetym udzielničać prymušać nichto nie budzie.
«Premjer-ministr Mark Rute paćvierdziŭ, što jon całkam padtrymlivaje hetuju damoŭlenaść i padtrymaje jaje, kali stanie nastupnym hienieralnym sakratarom NATA», — napisaŭ Orban u sacyjalnaj sietcy X.
Niderłandskaje infarmahienctva NOS abapirajučysia na infarmavanyja krynicy, śćviardžaje, što Mark Rute źmienić Stołtenbierha ŭ kastryčniku.
Mark Rute — paśladoŭny prychilnik padtrymki Ukrainy i aktyŭnaha supraćdziejańnia pucinskaj Rasii. Pad kiraŭnictvam Rute Niderłandy abviaścili ab vydzialeńni Ukrainie dapamohi ŭ pamiery 5,6 młrd jeŭra, u tym liku na pastaŭki ŭzbrajeńniaŭ — 4,3 młrd jeŭra. Pa hetych pakazčykach kraina zajmaje, pavodle danych Kilskaha instytuta suśvietnaj ekanomiki, 7-je i 5-je miescy. Pry hetym u niekatorych pytańniach Niderłandy byli lidaram, u pryvatnaści, jany pieršymi pahadzilisia pieradać Kijevu źniščalniki F-16.
Praz amal hod paśla rasijskaha ŭvarvańnia va Ukrainu Rute papiaredžvaŭ padčas vystupu ŭ Atłantyčnaj radzie:
«Navat kali my na adno imhnieńnie ŭjavim sabie, što Pucin moža atrymać pośpiech va Ukrainie… Tam heta ŭsio nie skončycca, jon budzie praciahvać. Hety ŭrok nam dała historyja».
Biez Paźniaka i Sachaščyka, ź niervovymi dyskusijami pamiž Łatuškam i Jahoravym. Jak prachodziła kanfierencyja «Novaja Biełaruś»38
Biez Paźniaka i Sachaščyka, ź niervovymi dyskusijami pamiž Łatuškam i Jahoravym. Jak prachodziła kanfierencyja «Novaja Biełaruś»
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?2929
Kamientary