Palityka zatrymali 31 maja 2020 hoda, za dva miesiacy da prezidenckich vybaraŭ, kali jon jechaŭ na pikiet Śviatłany Cichanoŭskaj.
Praz paŭtara hoda, u śniežni 2021 hoda, jaho asudzili na 14 hadoŭ kałonii asablivaha režymu. Palityk adbyvaje pakarańnie ŭ Hłybockaj kałonii, i ŭžo 15 miesiacaŭ, ź lutaha 2023 hoda, pra jaho niama nijakich źviestak.
Administracyjaj kałonii Mikoła Statkievič letaś nieadnarazova padviarhaŭsia dyscyplinarnym spahnańniam, akramia taho na jaho sabrany materyjał dla zaviadzieńnia ŭ dačynieńni da jaho kryminalnaj spravy pa art. 411 KK Biełarusi («złosnaje niepadparadkavańnie patrabavańniam administracyi»).
Padtrymajcie palitviaźnia: PK № 13, 211791, Hłybokaje, Savieckaja, 205, Mikałaju Viktaraviču Statkieviču
Statkievič užo dvojčy dahetul adbyvaŭ pakarańnie. U 2005-2008 hadach jon adbyvaŭ chimiju za ŭdzieł u akcyi pratestu 17 kastryčnika 2004 hoda suprać aficyjnych vynikaŭ parłamienckich vybaraŭ i refierendumu, a ŭ mai 2011 hoda byŭ asudžany na da 6 hadoŭ kałonii ŭzmocnienaha režymu za ŭdzieł u pratestach padčas prezidenckaj kampanii 2010 hoda. Byŭ vyzvaleny ŭ žniŭni 2015 hoda.
7 červienia budzie čatyry hady z momantu aryštu Paŭła Sieviarynca, 18 červienia 2020 hoda aryštavali Viktara i Eduarda Babarykaŭ, 25 červienia — Ihara Łosika.
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi26
Kamientary
https://t.me/allians_belarus/83