Śviet

Słuchańni pa kryminalnaj spravie suprać Trampa zavieršanyja. Vierdykt vyniesuć prysiažnyja

Słuchańni raściahnulisia amal na paŭtara miesiaca.

Donald Tramp. Curtis Means / Pool Photo via AP 

U Ńju-Jorku zaviaršylisia słuchańni ŭ ramkach histaryčnaha kryminalnaha pracesu nad byłym prezidentam ZŠA Donaldam Trampam, jakoha abvinavačvajuć u falsifikacyi finansavaj spravazdačnaści z metaj schavać ad vybarščykaŭ vypłatu pornaaktrysie Stormi Denijełs napiaredadni vybaraŭ 2016 hoda, piša Bi-bi-si.

Słuchańni raściahnulisia amal na paŭtara miesiaca. Dla vyśviatleńnia ŭsich padrabiaznaściaŭ spravy ŭ sud byli vyklikanyja klučavyja śviedki (u tym liku sama Denijełs), jakich pa čarzie dapytvali jak prakurory, tak i advakaty eks-prezidenta. Tramp taksama ŭvieś čas znachodziŭsia ŭ zale.

U aŭtorak sud vysłuchaŭ zaklučnyja arhumienty bakoŭ. Zvyčajna słuchańni zaviaršalisia kala 16:30, ale ŭ apošni dzień zaciahnulisia da 8 viečara.

Advakat Trampa Tod Błanš vystupaŭ kala troch hadzin, pradstaŭnik akruhovaj prakuratury Manchetena Džošua Stejnhłas — bolš za piać.

Sudździa Chuan Mierčan padziakavaŭ prysiažnym za hatoŭnaść zastacca da viečara i paabiacaŭ dać im apošnija instrukcyi ŭ sieradu, paśla čaho jany pavinny adpravicca abmiarkoŭvać vierdykt.

Ich zadača — dać adkaz na hałoŭnaje pytańnie: ci ŭdałosia prakuroram dakazać vinu Trampa ŭ falsifikacyi dziełavoj dakumientacyi pierad vybarami.

Dla abvinavaŭčaha abo apraŭdalnaha prysudu nieabchodny adnahałosny vierdykt usioj Kalehii prysiažnych.

Donalda Trampa abvinavačvajuć u falsifikacyi dziełavoj dakumientacyi, na padstavie jakoj ažyćciaŭlałasia vypłata 130 tysiač dalaraŭ Stormi Denijełs napiaredadni prezidenckich vybaraŭ 2016 hoda.

Denijełs śćviardžała, što ŭ ich z Trampam byŭ seks u 2006 hodzie, i były advakat prezidenta Majkł Koen zapłaciŭ joj, kab jana maŭčała pra heta.

Abvinavačvańnie śćviardžaje, što Tramp sfalsifikavaŭ dakumientacyju, kali kampiensavaŭ Koenu vydatkavanyja hrošy, aformiŭšy heta jak apłatu jurydyčnych pasłuh.

Tramp nie pryznaŭ vinu ni pa adnym z 34 punktaŭ abvinavačvańnia, a taksama admaŭlaŭ toj fakt, što ŭ jaho byŭ seks z Denijełs.

U aŭtorak baki abvinavačvańnia i abarony vystupili z zaklučnymi arhumientami, pasprabavaŭšy pierakanać prysiažnych u vinavataści abo nievinavataści byłoha prezidenta.

Kiraŭnik jurydyčnaj kamandy Trampa Tod Błanš zajaviŭ, što jaho klijent staŭ achviaraj šantažu z boku pornaaktrysy, jakaja sprabavała vymahać u jaho hrošy, pahražajučy apublikavać nibyta vydumanuju joj historyju.

Kamientary

«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14

«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść

Usie naviny →
Usie naviny

Što śviet dumaje pra vajnu va Ukrainie ciapier? Karta pazicyj krain1

Kamandzir Pałka Kalinoŭskaha: Biełaruskija dobraachvotniki majuć tyja ž sacyjalnyja harantyi, što i ŭkrainskija vajskoŭcy6

U Hruzii praciahvajucca pratesty, palicyja prymianiła vadamioty1

Śpievaka Dziadziu Vaniu buduć sudzić za ŭdzieł u pratestach3

Navukoŭcy znajšli tłumačeńnie «tumanu ŭ hałavie» paśla kavidu1

Minskija ŭłady pradpisvajuć upryhožvać navahodnija vitryny tolki «elemientami słavianskaha pachodžańnia»7

Departamient dziaržbiaśpieki Litvy kaža, što rost kolkaści imihrantaŭ ź Biełarusi ŭjaŭlaje pahrozu. Ale pa statystycy biełarusaŭ u Litvie stanovicca mienš10

Što praduhledžvaje mirny płan budučaha śpiecpradstaŭnika Trampa pa Ukrainie1

Supracoŭnik dziciačaha sadka z Aŭstralii na praciahu 20 hadoŭ hvałtavaŭ dziaciej1

bolš čytanych navin
bolš łajkanych navin

«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14

«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść

Hałoŭnaje
Usie naviny →