Vajna11

Krainy ES pačali zdymać abmiežavańni dla Ukrainy na ŭdary pa terytoryi Rasii — Barel

Krainy Jeŭrapiejskaha Sajuza pačali dazvalać Ukrainie nanosić udary pa rasijskaj terytoryi, ale hetaje pytańnie praciahvajuć abmiarkoŭvać, paviedamlaje RBK-Ukraina sa spasyłkaj na zajavu kiraŭnika dypłamatyi ES Žaziepa Barela.

Žazep Barel. Fota: AP Photo/Virginia Mayo

«Ci dazvalajem my vykarystoŭvać zbroju na rasijskaj terytoryi? Dziaržavy-siabroŭki pačali vyrašać heta, zdymajučy takoje abmiežavańnie. Jašče adna važnaja reč dla abmierkavańnia siońnia», — zajaviŭ Barel pierad pasiadžeńniem ministraŭ abarony krain ES.

Jon dadaŭ, što «pavodle zakonaŭ vajny niama nijakich supiarečnaściaŭ» va ŭdarach Ukrainy pa terytoryi Rasii. Ale častka dziaržaŭ budzie bajacca ryzyki eskałacyi.

«Adnak vy pavinny znajści bałans pamiž ryzykaj eskałacyi i nieabchodnaściu ŭkraincaŭ abaraniacca. Tamu što, viadoma, vy nie možacie nakiravacca tudy, adkul adbyvajucca ataki, vy znachodziciesia ŭ absalutna asimietryčnaj situacyi», — padkreśliŭ kiraŭnik dypłamatyi ES.

Jak viadoma, krainy Zachadu pieršapačatkova zabaranili Ukrainie vykarystoŭvać svaju zbroju dla naniasieńnia ŭdaraŭ pa terytoryi Rasii, jaje možna było vykarystoŭvać tolki dla ŭdaraŭ pa terytoryjach Ukrainy, akupavanych Rasijaj, uklučna z anieksavanym u 2014 hodzie Krymam.

Hetaje pytańnie stała bolš aktualnym paśla taho, jak ukrainskim vajskoŭcam pačali pieradavać dalnabojnyja rakiety z radyusam dziejańnia da 300 kiłamietraŭ. Ciapier niekalki krain užo zajavili, što jany dazvolili vykarystoŭvać svaju zbroju dla ŭdaraŭ pa Rasii. U pryvatnaści, takuju zajavu zrabiŭ ministr zamiežnych spraŭ Vialikabrytanii Devid Kemieran.

Kamientary1

  • Pakiet rakiet
    29.05.2024
    Pieršymi pra admienu terytaryjalnych abmiežavańniaŭ na vykarystańnie zachodnich uzbrajeńniaŭ daviedajucca akupanty. Chacia nie, nie daviedajucca - nie paśpiejuć.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →