Śviet11

Hrecyja i Polšča zaklikali stvaryć «Žalezny kupał» nad Jeŭropaj

Premjer-ministry Hrecyi i Polščy Kiryjakas Micatakis i Donald Tusk prapanavali staršyni Jeŭrakamisii Ursule fon der Lajen inicyjavać stvareńnie ahulnaj sistemy supraćpavietranaj abarony, jakaja finansavałasia b z ahulnaha biudžetu ES, piša The Moscow Times.

Amierykanski ZRK Patriot. Fota: Wikimedia Commons

Premjer-ministry Hrecyi i Polščy Kiryjakas Micatakis i Donald Tusk prapanavali staršyni Jeŭrakamisii Ursule fon der Lajen inicyjavać stvareńnie ahulnaj sistemy supraćpavietranaj abarony, jakaja finansavałasia b z ahulnaha biudžetu ES.

Sajuzu patrebnaja «fłahmanskaja prahrama», takaja jak pavietrany ščyt, napisali premjery ŭ liście; pra heta ahienctvu Bloomberg raskazaŭ znajomy ź jaho źmiestam čałaviek.

Micatakis padniaŭ hetaje pytańnie na pieramovach z Tuskam u krasaviku, paviedamiŭ ahienctvu pradstaŭnik urada Hrecyi, paćvierdziŭšy źmiest lista. U im lidary dźviuch krain prapanujuć stvaryć paŭnavartasnuju sistemu supraćpavietranaj abarony dla abarony ahulnaj pavietranaj prastory ES ad źniešnich pahroz, takich jak samaloty, rakiety i drony, havorycca ŭ liście.

Kiraŭnica Jeŭrakamisii Ursuła fon der Lajen vykazała ŭchvaleńnie hetaj idei. Jana napisała ŭ paście ŭ sacsietcy X:

«Ukraina vajuje za našy kaštoŭnaści. Davajcie padtrymlivać Ukrainu i adnačasova ŭmacoŭvać svaju abaronu. Nam treba mienš frahmientacyi i [bolš] sumiesnych prajektaŭ. Takich jak pavietrany ščyt, prapanavany Micatakisam i Tuskam».

Lidary Hrecyi i Polščy zaklikali abmierkavać hetuju ideju na nastupnym samicie lidaraŭ ES u kancy červienia.

Z anałahičnaj idejaj u kancy sakavika vystupiŭ Armin Papierhier, hienieralny dyrektar niamieckaj Rheinmetall — najbujniejšaha vytvorcy ŭzbrajeńniaŭ u Jeŭropie. Jeŭrapiejskim lidaram varta padumać pra ŭstalavańnie rakietnych sistem małoha radyusu dziejańnia dla abarony miežaŭ ES ad udaraŭ zvonku rakietami i dronami, skazaŭ jon u intervju Financial Times:

«Dumaju, heta dobraja ideja — mieć jeŭrapiejskaje rašeńnie pa anałohii z [izrailskim] «Žaleznym kupałam».

Razmovy pra stvareńnie ahulnaj sistemy SPA ŭ Jeŭropie pajšli na fonie sumnievaŭ u tym, što ZŠA, kali na prezidenckich vybarach pieramoža Donald Tramp, buduć hatovyja akazać ES nieadkładnuju padtrymku ŭ vypadku rasijskaj ahresii.

Pry hetym jeŭrapiejskija palityki, vajskoŭcy i raźviedčyki ŭžo nie adzin miesiac papiaredžvajuć, što praź niekalki hadoŭ možna čakać napadu Rasii na krainy NATA. U hetym vypadku tyłavyja vobłaści trapiać pad masiravanyja ŭdary i budzie ŭžyty «ŭvieś śpiektr» siłaŭ paražeńnia, ad «dyviersij z dapamohaj radyjoelektronnaj baraćby i kibierataki da ŭdaraŭ rakietami, dronami i h. d.», kazaŭ u studzieni hienierał-lejtenant Alaksandr Zołfrank, kamandujučy centram zabieśpiačeńnia NATA ŭ paŭdniova-ŭschodniaj Hiermanii.

Napad Rasii pačniecca z bujnych kibieratak, a paśla jana «biez usialakaha soramu» prymienić sotni dalnabojnych rakiet suprać cyvilnych celaŭ pa ŭsioj Jeŭropie, apisvaŭ pačatak mahčymaha kanfliktu były kamandujučy armijaj ZŠA ŭ Jeŭropie hienierał Ben Chodžes:

«Kali jany prymuć rašeńnie napaści na NATA, to ŭdarać rakietami i dronami pa ŭsich hałoŭnych marskich partach i aeraportach, transpartnych centrach, a taksama bujnych vajskovych štab-kvaterach, avijabazach, takoha rodu abjektach».

Kamientary1

  • Śmiešnyja jany
    23.05.2024
    Pozna pić baržomi...

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →