Ukraincy nanieśli ŭdar pa RŁS «Varoniež» u Krasnadarskim krai — supiervažnym abjekcie rasijskaj SPA
Były kiraŭnik «Raskosmasu» i eks-vice-premjer pa VPK Dźmitryj Rahozin zajaviŭ, što «Vašynhton naniaŭ biezadkaznaha bandyta».
23 maja telehram-kanał Astra paviedamiŭ, što bieśpiłotniki atakavali vajskovuju čaść 818-ha asobnaha radyjotechničnaha centra ŭ pasiołku Hłyboki pad Armaviram u Krasnadarskim krai, piša «Mieduza».
Na nastupny dzień ukrainskaje vydańnie Defense Express, a taksama Z-kanały raspaŭsiudzili fatahrafii, na jakich, jak śćviardžajecca, pakazany nastupstvy napadu na vajskovuju čaść.
Defense Express śćviardžaje, što fatahrafii paćviardžajuć fakt paškodžańnia nadharyzontnaj radyjołakacyjnaj stancyi Varoniež-DM. Sudziačy pa apublikavanych fatahrafijach, pad udar mierkavana patrapiła antennaje zbudavańnie stancyi.
Rasijski sienatar ad anieksavanaj Zaparožskaj vobłaści i były kiraŭnik «Raskosmasu» Dźmitryj Rahozin abvinavaciŭ Ukrainu ŭ napadzie pa sistemie supraćrakietnaj abarony Rasii. Jon zajaviŭ, što «Vašynhton vystupiŭ zakazčykam hrandyjoznaha złačynstva, naniaŭšy biezadkaznaha bandyta».
Rahozin dadaŭ, što «Vašynhtonu daviadziecca adkazać pa poŭnaj za toje, što zdaryłasia».
Varoniež-DM uvachodzić u siamiejstva stacyjanarnych zaharyzontnych radyjołakacyjnych stancyj vialikaj dalokaści «Varoniež».
Stancyi pryznačany dla vyjaŭleńnia kaśmičnych i aeradynamičnych abjektaŭ, u tym liku balistyčnych i kryłatych rakiet.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary