Zdaroŭje paranienaha słavackaha premjera palepšyłasia, a vykanaŭca zamachu pryznaŭ vinu
U Słavakii sud pryniaŭ rašeńnie aryštavać padazravanaha pa spravie ab zamachu na premjer-ministra krainy Robierta Fica. Pavodle infarmacyi miedyjakampanii RTVS, 71-hadovy piśmieńnik Juraj Cintuła pryznaŭ vinu.
Raniej kiraŭnik MUS krainy Matuš Šutaj-Eštak paviedamiŭ, što Cintuła patłumačyŭ svoj učynak palityčnymi matyvami — jon byŭ nie zhodny z palitykaj, jakaja pravodzicca ŭradam.
Pa vystaŭlenym abvinavačvańni Cintule pahražaje ad 25 hadoŭ da pažyćciovaha źniavoleńnia.
Što da paranienaha Robierta Fica, to paviedamlajecca, što jahony stan pastupova palapšajecca. Siońnia jamu praviali jašče adnu dvuchhadzinnuju apieracyju, jakaja, pavodle słoŭ ministarki achovy zdaroŭja Słavakii Zuzany Dolinkavaj, spryjała «stanoŭčamu prahnozu dla zdaroŭja kiraŭnika ŭrada».
Pieršapačatkova, paśla zamachu 15 maja, uradavyja čynoŭniki acharaktaryzavali stan Fica jak «krytyčny» i «vielmi surjozny». Ciapier jany nastrojenyja bolš pazityŭna, adnak dahetul niezrazumieła, kali premjer zmoža viarnucca da vykanańnia svaich abaviazkaŭ. Pakul stan Fica navat nie dazvalaje pieravieźci jaho ŭ Bracisłavu, jon lečycca ŭ balnicy horada Bańska-Bystryca.
Miž tym, niekatoryja paplečniki Fica pa kiroŭnaj kaalicyi rezka krytykujuć słavackuju apazicyju i žurnalistaŭ, faktyčna ŭskładajučy na ich uskosnuju adkaznaść za zamach. Tak, Andrej Danka, lidar Nacyjanalnaj partyi, jakaja ŭvachodzić va ŭradavuju kaalicyju, zajaviŭ, što dla jahonaj partyi ciapier «pačynajecca palityčnaja vajna», i paraiŭ supiernikam urada «siadzieć cicha».
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary
Viadoma, vyznačyŭ ja nijak nie z taho, što biadujuć z nahody Fitcavaha vyzdaraŭleńnia, a što napisvajuć ŭ kamentaroch hadami.