U budynku, dzie pravodziłasia vyjaznoje pasiedžańnie ŭrada Słavakii, adbyłasia stralba. Stan premjera ciažki — jaho paraniła ŭ žyvot i hrudzi.
Premjer-ministr Robiert Fica byŭ paranieny ŭ haradku Handłava, jaho dastaŭlajuć u balnicu. Streły adbylisia kala Doma kultury, dzie prachodziła pasiadžeńnie ŭrada, kali premjer-ministr vyjšaŭ da ludziej, piša dennikn.sk.
Premjera padniali ź ziamli achoŭniki, pahruzili ŭ mašynu i pavieźli. Jaho viazuć u Bracisłavu, jakaja znachodzicca za 190 kiłamietraŭ ad Handłavy.
Premjer Słavakii atrymaŭ niekalki ranieńniaŭ, jahony stan aceńvajecca jak ciažki.
Pa słovach vidavočcaŭ, jakija znachodzilisia na miescy zdareńnia, Fica padyšoŭ da ludziej, paśla čaho prahučała niekalki strełaŭ. Zatym Fica ŭpaŭ na ziamlu.
Mierkavanaha napadnika ŭdałosia zatrymać palicyi. Palicyja ačapiła terytoryju, dom kultury evakujavali. Pra biaśpieku astatnich členaŭ urada kłapaciłasia achova.
Kamientary