Duda zajaviŭ pra hatoŭnaść Polščy raźmiaścić u siabie jadziernuju zbroju
Prezident Polščy Andžej Duda zajaviŭ, što nieadnarazova havaryŭ z ZŠA ab hatoŭnaści raźmiaścić jadziernuju zbroju ŭ krainie ŭ ramkach prahramy NATA Nuclear Sharing. Pavodle jaho słoŭ, «užo niekatory čas heta tema polska-amierykanskich pieramovaŭ».
«Ja ŭžo havaryŭ na hetuju temu niekalki razoŭ. Pryznajusia, što kali mianie pra heta spytali, ja zajaviŭ ab našaj hatoŭnaści. Rasija ŭsio bolš militaryzuje Kalininhradskuju vobłaść. Niadaŭna jana pierakinuła svaju jadziernuju zbroju ŭ Biełaruś.
Kali b było rašeńnie našych sajuźnikaŭ, kab raźmiaścić jadziernuju zbroju ŭ ramkach Nuclear Sharing i na našaj terytoryi, kab uzmacnić biaśpieku ŭschodniaha fłanhu NATA, to my hatovy na heta. My zjaŭlajemsia sajuźnikam u Paŭnočnaatłantyčnym aljansie i ŭ nas taksama jość abaviazacielstvy ŭ hetym płanie, heta značyć my prosta realizujem ahulnuju palityku», — adkazaŭ jon na pytańnie vydańniu Fakt.
NATO Nuclear sharing — kancepcyja jadziernaha strymlivańnia, pryniataja ŭ ramkach NATA, jakaja miarkuje, što krainy, jakija nie majuć ułasnaj jadziernaj zbroi, mohuć udzielničać u płanavańni jaje prymianieńnia. U ramkach hetaj prahramy amierykanskija jadziernyja zarady raźmieščany na šaści bazach u Bielhii, Hiermanii, Italii, Niderłandach i Turcyi, dadaje reform.by.
Biez Paźniaka i Sachaščyka, ź niervovymi dyskusijami pamiž Łatuškam i Jahoravym. Jak prachodziła kanfierencyja «Novaja Biełaruś»38
Biez Paźniaka i Sachaščyka, ź niervovymi dyskusijami pamiž Łatuškam i Jahoravym. Jak prachodziła kanfierencyja «Novaja Biełaruś»
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?2929
Kamientary