Sport22

«Bajer» ź Levierkuzena ŭpieršyniu ŭ svajoj historyi staŭ čempijonam Hiermanii pa futbole

U matčy 29-ha tura niamieckaj Bundeślihi kłub razhramiŭ na svaim poli bremienski «Vierder» ź likam 5:0 i za piać turaŭ da finišu staŭ pieramožcam turniru.

«Bajer» upieršyniu ŭ svajoj historyi staŭ čempijonam Hiermanii pa futbole. Fota: Martin Meissner / AP 

Hały zabili nihieryjec Viktar Banifejs, šviejcarski futbalist kosaŭskaha pachodžańnia Hranit Džaka, što pryjšli ŭ kłub minułym letam. A potym chiet-tryk aformiŭ 20-hadovy ŭnikum, hulec niamieckaj zbornaj Fłoryjan Virc. Paśla piataha hoła fanaty vybiehli na pole na 89-j chvilinie, i matč skončyŭsia daterminova.

Soccerstand.com

Da hetaha miunchienskaja «Bavaryja» 11 razoŭ zapar stanaviłasia čempijonam krainy, ale — ironija losu — z prychodam, vidać, niefartovaha forvarda Hary Kiejna jaje viaršenstva skončyłasia.

«Bajer» nikoli ŭ svajoj historyi nie stanaviŭsia čempijonam Hiermanii, piać razoŭ zavajavaŭšy srebra, za što atrymaŭ mianušku «Nievierkuzen» (h.zn. nikoli nie vyjhravaŭ). Praŭda, adnojčy kłub vyjhraŭ Kubak Hiermanii i adnojčy Kubak tady jašče UEFA.

Ale ciapier u kamandy inšaja mianuška — «Nievierłuzen». «Bajer» sa žniŭnia naohuł nikomu nie prajhravaŭ: ni ŭ čempijanacie Hiermanii, ni ŭ Kubku krainy, ni ŭ Lizie Jeŭropy — 43 hulni (38 pieramoh, 5 ničyich).

Chabi Ałonsa. Fota: Martin Meissner / AP 

Ale hałoŭny tvorca pieramohi «Bajera» — hałoŭny trenier, bask Chabi Ałonsa, koliś zorka «Livierpula», «Reała» i «Bavaryi».

Ałonsa byŭ trenieram junakoŭ u madrydskim «Reale», treniravaŭ druhuju kamandu «Reała Saśjedada», u kastryčniku 2022 hoda jaho pryznačyli hałoŭnym trenieram «Bajera».

Kamanda tady zajmała pieradapošniaje miesca ŭ čempijanacie Hiermanii. U pieršy siezon Ałonsa zaciahnuŭ «Bajer» na šostaje miesca ŭ čempijanacie i ŭ Lihu Jeŭropy, a siońnia zrabiŭ čempijonam Hiermanii. 

Pryčym Chabi Ałonsa admoviŭsia ŭ nastupnym siezonie pierachodzić u «Bavaryju» ci «Livierpul», skazaŭŭšy, što zastaniecca ŭ «Bajery».

Kazka, jakuju siońnia skončyŭ pisać «Bajer», paraŭnalnaja z čempijonskim siezonam «Lestera» ŭ čempijanacie Anhlii 2015-2016.

Kamientary2

  • Symon
    14.04.2024
    Bolejem za FK Štuthart
    Posmotritie kakije u nich fłahi
  • Žvir
    14.04.2024
    Voj, koļki niemcaū na fotcy !

FBR nazvała imia taho, chto stralaŭ u Trampa9

FBR nazvała imia taho, chto stralaŭ u Trampa

Usie naviny →
Usie naviny

Paźniak pierakanany, što ŭ druhim tury vybaraŭ-1994 pieramoh by Łukašenku120

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

U Kobrynie bolš nie budzie vulicy Kalinoŭskaha12

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

bolš čytanych navin
bolš łajkanych navin

FBR nazvała imia taho, chto stralaŭ u Trampa9

FBR nazvała imia taho, chto stralaŭ u Trampa

Hałoŭnaje
Usie naviny →