Mierkavańni1010

«Viera kliča achviaru». Łukašystam mocna chočacca, kab na Blizkim Uschodzie razharełasia novaja vajna

Voś što pisali prapahandysty unačy na 14 krasavika, kali Iran atakavaŭ Izrail.

Iranskija balistyčnyja rakiety, zapuščanyja pa Izraili, i Azaronak na śmiećcievym baku. Foty: Anadolu / Contributor Getty Images, «Naša Niva». Kałaž: «Naša Niva»

Za načnym napadam Irana na Izrail sačyŭ uvieś śviet, i łukašenkaŭskija prapahandysty nie stali vyklučeńniem. 

U ahulnaj svajoj masie ich reakcyi byli poŭnyja zachapleńnia, radaści i padtrymki ŭ adnosinach da Irana. Znajšłosia miesca i złaradnaści ŭ adnosinach da Ukrainy ŭ sukupnaści z abvinavačvańniami ŭ adras ZŠA — standartnym, na dumku prapahandy, «vinavataha» ŭ lubych rehijanalnych i suśvietnych kryzisach.

Byli navat tyja, chto na fonie iranskaha napadu natchniŭsia ŭciahnuć Biełaruś u Treciuju suśvietnuju vajnu.

«Treba rychtavacca i ŭzbrojvacca da zuboŭ»

Pieršym, chto mocna natchniŭsia ŭstupić u novy hłabalny kanflikt, staŭ Ryhor Azaronak.

Prapahandyst aktyŭna aśviatlaŭ načnuju ataku Irana, adnačasova zachapiŭšysia iranskim «narodnym ščaściem i achviarnaściu, jakija mnohija nie zrazumiejuć», a taksama zaklikaŭšy Biełaruś «uzbrojvacca da zuboŭ» dla novaj suśvietnaj vajny, «dzie słabych čakaje hańba i śmierć». 

Dumki Azaronka adrazu padchapiŭ i padtrymaŭ małodšy sałaviejčyk prapahandy Alaksiej Dziermant. Jon dadatkova zaklikaŭ umacoŭvać vajenny sajuz z Rasijaj. 

Dalej iduć «Žiełtyje ślivy», jakija zhadali Ukrainu i zaadno pryviali novuju rasijskuju mietadyčku, byccam pra jaje zabyvajuć na fonie inšych kryzisaŭ u śviecie. 

Hety naratyŭ paŭtaryŭ i łukašenkaŭska-rasijski telehram-kanał «Biełorusskij siłovik», zajaviŭšy, što «ZŠA nie tak turbujucca za Ukrainu, jak za Izrail».

Da chvali złaradnaści dałučyŭsia i prapahandyst Kanstancin Prydybajła, adnak nakiravaŭ jon svaju ahresiju na zorak rasijskaha šou-biźniesu i śpievakoŭ, jakija źjechali z Rasii z-za niazhody z vajnoj suprać Ukrainy.

Nacyjanalny biblijatekar i deputat Vadzim Hihin taksama času darma nie hublaŭ i adrazu znajšoŭ «hałoŭnaha vinavataha» u kanflikcie pamiž Iranam i Izrailem, a mienavita «ZŠA i ich žadańnie zabiaśpiečvać lidarstva na Blizkim Uschodzie».

Razam z hetym Hihin pryznaŭsia, što amal usiu noč sačyŭ za atakaj Irana na Izrail, i bieź ironii paskardziŭsia na «mnostva fejkaŭ z boku błohieraŭ i žurnalistaŭ».

Miarkujučy pa hetych vykazvańniach, Maskvie i łukašystam mocna chaciełasia b, kab na Blizkim Uschodzie razharełasia novaja vajna. Jany miarkujuć, što tady Zachadu nie chopić siłaŭ abaraniać Izrail i Ukrainu adnačasova. I bolš za toje, Maskva i Minsk stryhli b adzinyja svaje kupony — naftavyja. Adnak lohkaść, ź jakoj Izrail adbiŭ samuju mahutnuju ataku dronaŭ u historyi, pakazvaje, što heta takija ž, užyviom tut vyraz, vykarystany Pucinym, «vilhotnyja», choć i kryvažernyja mary, jak zachop Ukrainy za try dni.

«Naša Niva» — bastyjon biełaruščyny

PADTRYMAĆ

Kamientary10

  • Buračok
    14.04.2024
    U kahości ŭ NN stalovyja nervy kab adsočvać dy jašče i analizavać, a potym i hatavać matarjały dla druku pa hetych usich “intelektuałach” i ich bredziaciny. Nizki pakłon, Vam, chłopcy!
  • Č
    14.04.2024
    [Red. vydalena]
  • Fantomas
    14.04.2024
    Jeśli korotko - vsiech ich objediniajet fanatizm, viera v śvierchjestiestviennyje siły (vsiakoje mieśsianstvo, priednaznačienije i pročieje dieŕmo), rasizm, ahrieśsija i nienavisť. Złobnyj kompot, no v etot raz oni vsie točno stali nie na tu storonu. Nie połučitsia pieriemietnuťsia v druhoj łahieŕ kak v 41. Prostili tohda sovok, a zria... V etot raz uhroza v sotni raz bolšie, no i raspravlaťsia s nimi užie budut biespoŝadnieje. My vsie možiem pohibnuť, no pobiediť oni nie smohut točno.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku127

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →