Dźmitryj Piaskoŭ: Heta pačynałasia jak śpiecyjalnaja vajennaja apieracyja, ale ŭžo stała vajnoj
Pres-sakratar Pucina daŭ intervju haziecie «Arhumienty i Fakty», u jakim zajaviŭ, što Ukraina akupavała rasijskija terytoryi — tyja rehijony dałučanych ukrainskich abłaściej, jakija ciapier znachodziacca pad kantrolem Kijeva.
«Pra što havoryć prezident? U nas źjavilisia čatyry novyja subjekty fiederacyi. I dla nas hałoŭnaje — zaścierahčy ludziej u hetych subjektach i vyzvalić terytoryju hetych subjektaŭ, jakaja ŭ ciapierašni momant źjaŭlajecca de-fakta akupavanaj kijeŭskim režymam.
My znachodzimsia ŭ stanie vajny. Tak, heta pačynałasia jak śpiecyjalnaja vajennaja apieracyja, ale jak tolki tam utvaryłasia hetaja kampaška, kali kalektyŭny Zachad staŭ udzielnikam hetaha na baku Ukrainy, dla nas heta ŭžo stała vajnoj. Ja ŭ hetym upeŭnieny. I kožny pavinien heta razumieć, dla svajoj unutranaj mabilizacyi», — skazaŭ Piaskoŭ.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?3
Kamientary