«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
U Dziarždumu ŭnieśli zakonaprajekt, jaki dazvolić paźbiehnuć kryminalnaha pakarańnia tym, chto zaklučyŭ kantrakt ab vajennaj słužbie «ŭ pieryjad SVA» (tak rasijskija ŭłady nazyvajuć vajnu suprać Ukrainy). Zakanadaŭcy spasyłajucca na minuły dośvied adpraŭlać na vajnu źniavolenych, jakija ździejśnili kryminalnyja złačynstvy ŭ jakaści vyzvaleńnia ad turemnaha pakarańnia. U Rasii pry hetym z kožnym dniom raście kolkaść žorstkich złačynstvaŭ, jakija ŭčyniajucca rasijskimi vajennymi, jakija pryjšli z frontu, piša «Nastojaŝieje vriemia».
![](http://d3kcf2pe5t7rrb.cloudfront.net/img/w840d4webp1/photos/z_2024_03/yta240304-z1kz0.jpg.webp)
U Čycie Cyren-Doržy Cyrenžapava pryhavaryli da 14 hadoŭ kałonii za zabojstva 22-hadovaj dziaŭčyny ŭ vioscy Uhdan. Cyrenžapaŭ — vieteran vajny Rasii suprać Ukrainy. Na front jon patrapiŭ z turmy. Svoj pieršy čatyrnaccacihadovy termin mužčyna taksama atrymaŭ za zabojstva. U 2020 hodzie jon rasčlaniŭ 18-hadovuju dziaŭčynu.
Najmit PVK «Vahnier» Siarhiej Šachmataŭ raniej byŭ sudzimy za machlarstva i kradziažy. Viarnuŭšysia z vajny va Ukrainie, jon zhvałtavaŭ dźviuch niepaŭnaletnich dziaŭčynak i byŭ pryhavorany Novasibirskim sudom da 17 hadoŭ kałonii strohaha režymu.
U pasłańni Fiederalnamu schodu 29 lutaha Uładzimir Pucin zajaviŭ, što ŭdzielniki SVA — heta «elita» Rasii.
«Sapraŭdnaja, sapraŭdnaja elita — heta ŭsie, chto słužyć Rasii. Pracaŭniki i voiny, nadziejnyja, pravieranyja spravaj, jakija dakazali svaju addanaść Rasii, hodnyja ludzi», — skazaŭ Pucin.
Z 1 sakavika «vieterany SVA» zmohuć uziać udzieł u novaj kadravaj prahramie «Čas hierojaŭ». «Padrychtavać kampietentnych vysokakvalifikavanych kiraŭnikoŭ, majucca na ŭvazie i byłyja, i dziejnyja vajennyja, dla nastupnaj pracy ŭ orhanach dziaržułady i municypalnaj ułady. A taksama dla pracy ŭ dziaržkampanijach», — adznačaŭ pres-sakratar prezidenta Rasii Dźmitryj Piaskoŭ.
A ŭ Irkucku byłyja najmity paśla prachodžańnia śpiecyjalnych kursaŭ zmohuć vykładać u škołach «Asnovy biaśpieki i abarony Radzimy».
U kancy lutaha ŭ Čelabinsku pjany ŭdzielnik vajny Mikita Sidaraŭ zabiŭ svaju byłuju dziaŭčynu. Žančyna admoviłasia puścić jaho ŭ kvateru. Jon zalez praz bałkon i zabiŭ jaje na vačach u trochhadovaha syna.
«Sistema kaža: vy viedajecie, voś hety čałaviek zabiŭ, zhvałtavaŭ i sieŭ. Nie adsiedzieŭ termin, pajšoŭ pazabivaŭ. Heta jany nazyvajuć «zmyŭ kryvioj». Viarnuŭsia hierojem. Heta značyć sistema kaža: čym bolš ty zabivaješ, čym bolš ździajśniaješ hvałtu, čym bolš ty ździajśniaješ hvałtoŭnych złačynstvaŭ, tym vierahodniej, što ty hieroj», — havoryć pravaabaronca Alena Papova.
Papoŭnić šerahi rasijskich čynoŭnikaŭ pa prahramie «Čas hierojaŭ» moža i kiemieraŭski zabojca Uładzisłaŭ Kanius, jaki zakatavaŭ da śmierci svaju byłuju dziaŭčynu Vieru Piechcielevu. U krasaviku minułaha hoda pryhavorany da 17 hadoŭ kałonii za zabojstva z asablivaj žorstkaściu Kanius atrymaŭ prezidenckaje pamiłavańnie i adpraviŭsia vajavać va Ukrainu. Užo vosieńniu jon apynuŭsia na voli. Sudzimaść ź jaho źniataja. Baćki Viery Piechcielevaj raniej atrymali adkaz z vajskovaj prakuratury. Zhodna z dakumientam, ab biahučym miescaznachodžańni Kaniusa siłavikam ničoha nie viadoma.
Situacyju z rasijskimi viaźniami, jakija viarnulisia z vajny va Ukrainie prakamientavała zasnavalnica fondu «Ruś sidiaŝaja» Volha Ramanava.
— Niabožčyk Pryhožyn kazaŭ, što vypuściŭ na volu 32 tysiačy čałaviek. Heta tyja, chto zastaŭsia žyvy na vajnie i atrymaŭ pamiłavańnie prezidenta. Pa našych dadzienych, ich było mienš — 25 tysiač. Dalej nabirała z turmaŭ na vajnu ministerstva abarony roŭna na tych ža samych umovach. Z 1 lutaha 2023 hoda jany nabrali ludziej značna bolš za Pryhožyna.
Ciapier na voli znachodzicca nie mienš za 50 tysiač byłych źniavolenych, jakija atrymali prezidenckaje pamiłavańnie sakretnym prezidenckim ukazam.
Atrymałasia, što mabilizavanyja i kantraktniki zastajucca vajavać da kanca vajny, a źniavolenyja praz paŭhoda laciać dadomu biełym lebiedziem i tam znoŭ učyniajuć złačynstvy. Krychu statystyki. Ivanaŭskaja vobłaść, vielmi siaredniaja vobłaść, pa joj možna mierać siaredniuju tempieraturu pa balnicy.
U listapadzie 2023 hoda na ŭradavaj naradzie kiraŭnik UMUS Ivanaŭskaj vobłaści paviedamiŭ, što ŭ vobłaść na toj momant viarnułasia 358 byłych źniavolenych, ź ich bolš za pałovu znoŭ sieli ŭ turmu. Takija ludzi dla ministerstva abarony pieratvarajucca va ŭnikalny kadravy rezierv. Jany prajšli vajnu, nie žadajuć siadzieć u turmie i hatovyja znoŭ adpravicca na front.
Pavodle Ramanavaj, recydyvistaŭ taksama adpraŭlajuć na front.
— Pytańnie, jakim čynam. Nielha miłavać dvojčy. Pucin vydatna razumieŭ i razumieje, što jaho imiem, imiem cara, pamiłavana 50 tysiač hałavarezaŭ, jakija ździajśniajuć złačynstvy. Dalej tak praciahvacca nie mahło. I ź leta 2023-ha pryniali zakon, što bolš nijakaha pamiłavańnia nie budzie.
I z 1 kastryčnika źniavolenych jak zabirali z kałonij na vajnu, tak i zabirajuć — ničoha nie źmianiłasia — ich zabirajuć pa 30-40 čałaviek z kožnaj kałonii štomiesiac. Heta kanviejer. Tolki jany vychodziać užo nie pa pamiłavańni, jany vychodziać umoŭna. Ich umoŭna niby vypuskajuć z turmy, i jany iduć na front. Heta ŭžo biesterminova.
Da kanca sakavika vyjduć na volu tyja, chto byŭ zavierbavany ŭ vieraśni. Jany atrymajuć pamiłavańnie, na hetym usio. Bolš nichto z vajny nie vierniecca, jany tam buduć da kanca.
Ale ministerstva abarony i Pryhožyn užo zabrali ź miescaŭ pazbaŭleńnia voli bolš za 150 tysiač čałaviek. Na momant pačatku vajny ich tamaka było 420 tysiač. Turmy puściejuć. Dzie brać jašče rezierv? U SIZA.
Heta ŭžo prykładna hod, jak dziejničaje, a zaraz unosicca ŭ Kryminalny kodeks i ŭ Kryminalna-pracesualny kodeks.
Kamientary