Samy aktyŭny danosčyk Bambiza na vybarach zaniaŭ apošniaje miesca z usiaho Minska — jamu namalavali 1,999%
Anatol Bambiza — dyrektar kampanii «Vohnieabarona». Ale viadomy jon pieradusim nie svaim biznesam, a kolkaściu danosaŭ, zroblenych padčas pratestaŭ-2020.
U Čornaj knizie Biełarusi zhadvajecca minimum čatyry zvaroty ŭ milicyju — Bambiza paviedamlaŭ pra aŭtamabil ź bieł-čyrvona-biełym ściaham, skardziŭsia na hramadziana, jaki rasklejvaŭ nalepki, aburaŭsia łampadkam u pamiać zabitaha Ramana Bandarenku…
U 2022 hodzie milicyja navat uznaharodziła jaho za «aktyŭnuju hramadzianskuju pazicyju».
A ŭ 2024-m Bambiza pajšoŭ bałatavacca ŭ Minski haradski saviet. Vyłučaŭsia ad Kamunistyčnaj partyi, podpisaŭ u svaju padtrymku nie źbiraŭ.
Čym admietny vynik Bambizy na vybarach? Jamu napisali najmienšuju kolkaść hałasoŭ siarod usich 159 kandydataŭ z roznych akruh. Miziernyja 237 hałasoŭ na Zasłaŭskaj akruzie №43 — heta absalutny antyrekord.
Ale jak sfarmiravałasia ličba, kali nichto nie ličyŭ hałasy? Vielmi prosta. Vynik Bambizy — 1,999% hałasoŭ. Kali b jamu padkinuć jašče choć adzin biuleteń, to pieravaliŭ by za simvaličnuju miažu. Ale takoha ŭkazańnia, vidać, nie było.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary