Departamient dziaržbiaśpieki Litvy kaža, što rost kolkaści imihrantaŭ ź Biełarusi ŭjaŭlaje pahrozu. Ale pa statystycy biełarusaŭ u Litvie stanovicca mienš
Dyrektar departamienta dziaržaŭnaj biaśpieki (DDB) Litvy Daryjus Jaŭniškis adznačyŭ u intervju, što pahrozu dla Litvy ŭjaŭlaje pavieličeńnie kolkaści imihrantaŭ, jakija pryjazdžajuć z Rasii i Biełarusi.
Pavodle jaho intervju na TV3 Televizija, imihranty časta apynajucca ŭ Litvie zusim nie pa pryčynie ŭciokaŭ ad režymu.
Bolšaść biełarusaŭ — uładalnikaŭ litoŭskich DNŽ sapraŭdy źjaŭlajucca mihrantami ekanamičnymi, a nie palityčnymi.
Ahułam pa stanie na 1 kastryčnika dziejny litoŭski DNŽ usich typaŭ mieli 60 792 hramadzianina Biełarusi. A trymalnikaŭ DNŽ, vydadzienych na humanitarnych padstavach, — 2445 čałaviek, siarod jakich hramadzianie nie tolki Biełarusi, ale Rasii i inšych krain.
Ale važna adznačyć, što kolkaść humanitarnych DNŽ nie adlustroŭvaje realnuju situacyju. U raniejšym intervju «Našaj Nivie», litoŭski palitołah i dyrektar Freedom House Vilnius Vicis Jurkonis vykazvaŭ mierkavańnie, što patencyjna pa pravaabarončaj linii ŭ Litvie pražyvaje da 10 tysiač hramadzian Biełarusi.
Adnak kolkaść biełaruskich imihrantaŭ u Litvie nie raście.
Na piku litoŭski DNŽ (lubych typaŭ) mieli 62 844 hramadzianina Biełarusi. Tak, pavodle aficyjnych danych ad litoŭskaha departamienta mihracyi, było pa stanie na 1 krasavika 2024 hoda.
Praz paŭhoda, stanie na 1 listapada, takich zastałosia 60 792, to-bok mienš na 2000 čałaviek.
Pačynajučy z traŭnia kolkaść biełarusaŭ ź dziejnymi DNŽ skaračajecca štomiesiac.
A što z rasijanami?
Ličba hramadzian Rasii ź litoŭskimi DNŽ taksama nie raście. Kali na 1 studzienia 2024 hoda takich było 15 888 čałaviek, to pa stanie na 1 kastryčnika zastałosia 15 246. Pry hetym mienavita hramadzianie RF zajmajuć pieršaje miesca ŭ Litvie pa kolkaści PMŽ. Takich navat bolš za pałovu — 8517 čałaviek. To-bok bolšaść rasijan, jakija pražyvajuć u Litvie, žyli tam zadoŭha da pačatku poŭnamaštabnaj vajny va Ukrainie.
Biełarusy pa kolkaści PMŽ u Litvie zajmajuć druhoje miesca — 3732 čałaviek.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary