«Homielskaj viaśnie» stała viadoma pra zatrymańnie Kryściny Ramaško — dziaržaŭnaj inśpiektarki Dobrušskaha rajonnaha adździeła pa ŭnutranym karancinie raślin dziaržaŭnaj ustanovy «Homielskaja abłasnaja dziaržaŭnaja inśpiekcyja pa nasieńniavodstvie, karancinie i abaronie raślin».
15 lutaha ŭ sudzie Dobrušskaha rajona sudździa Alina Koškina razhladała zaviedzienuju na Kryścinu Ramaško administracyjnuju spravu.
Na čynoŭnicu było nakładziena administracyjnaje spahnańnie pa častcy 2 artykuła 19.11 (raspaŭsiudžvańnie infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie albo pieravozka z metaj raspaŭsiudžvańnia takoj infarmacyi) KaAP RB.
Jaki mienavita prysud vyniesła Alina Koškina, vyśviatlajecca.
Kamientary