U Jeŭrasajuzie mohuć admianić zabaronu na prodaž dyzielnych i bienzinavych aŭto z 2035 hoda
Jašče letaś u Jeŭraparłamiencie pastanavili zabaranić z 2035 hoda vypuskać aŭtamabili z ruchavikami ŭnutranaha zharańnia. Prajšoŭ hod, i ŭ siecivie źjaviłasia infarmacyja, što najbujniejšaja kansiervatyŭnaja palityčnaja siła Jeŭropy, Jeŭrapiejskaja narodnaja partyja (JERR), choča admovicca ad hetych płanaŭ.
Dyzielnym i bienzinavym aŭto ŭklučać zialonaje śviatło?
Pra žadańnie admovicca ad raniej pryniatych mier stała viadoma paśla taho, jak vydańnie Politico atrymała dostup da prajekta partyjnaha manifiesta. Pavodle apytańnia vydańnia, JERR nastrojenaja na pieramohu na jeŭrapiejskich vybarach, jakija adbuducca ŭ červieni biahučaha hoda.
Havorka idzie pra toje, što partyja adchilaje palityku zabarony na ruchaviki ŭnutranaha zharańnia. U vyniku pieramohi na vybarach pierahladzieć hety zakon abiacajuć jak maha chutčej.
Varta adznačyć, što pytańnie pra zabaronu vytvorčaści aŭto z ruchavikami ŭnutranaha zharańnia vyklikała šmat sprečak. Ale tym nie mienš, u ramkach prahramy «zialonych», meta jakich — skaračeńnie vykidaŭ parnikovych hazaŭ u ES na 55 pracentaŭ da 2030 hoda, zakon, jaki zabaraniaje vytvorčaść aŭto z tradycyjnymi ruchavikami z 2035 hoda, byŭ pryniaty.
Čamu niekatoryja krytyčna staviacca da tatalnaha pierachodu na elektraciahu?
Praciŭniki admovy ad aŭto, jakija pracujuć na tradycyjnych vidach paliva, siarod hałoŭnych arhumientaŭ adznačajuć składanaści z raźvićciom infrastruktury patrebnaj dla padzaradki aŭto. Taksama ŭ ich jość zaściarohi, što zabarona budzie spryjać tamu, što aŭtapark jeŭrapiejcaŭ budzie stareć i ES moža atrymać «efiekt Havany», kali pa vulicach budzie jeździć usio bolš starych aŭto.
Kiraŭnik Toyota — praciŭnik tatalnaj elektryfikacyi aŭto
Raniej suprać pierachodu na elektramabili šlacham zabarony transpartu na tradycyjnych vidach paliva vykazvaŭsia kiraŭnik kancerna Toyota Akijo Tajoda. Jašče naprykancy 2020 hoda jon źviarnuŭ uvahu, što prychilniki elektramabilaŭ nie ŭličvajuć vykidy, jakija ŭtvarajucca ŭ vyniku hienieracyi elektraenierhii, a taksama vydatki, źviazanyja ź pierachodam na elektramabili.
Skieptycyzm u adnosinach da elektrakaraŭ Akijo Tajoda zachavaŭ i ciapier. Dniami padčas lekcyi staršynia praŭleńnia Toyota zajaviŭ, što dola elektramabilaŭ na rynku dasiahnie maksimum 30%, a astatniuju častku zojmuć hibrydy, aŭtamabili na vadarodnych paliŭnych elemientach i aŭtamabili, jakija pracujuć na palivie.
Akijo Tajoda zajaviŭ padčas lekcyi pra vytvorčuju sistemu Toyota, što elektramabili nie varta raspracoŭvać na škodu inšym technałohijam, takim jak hibrydnyja aŭtamabili i aŭtamabili na vadarodnym palivie, na jakich zasiarodziłasia jaho kampanija.
Čytajcie taksama:
Kiraŭnica pieradvybarnaha štaba Cichanoŭskaj nabyła «Tesłu». U tvitary pakupku acanili nie ŭsie
Nakolki zručna karystacca elektrakarami ŭ Biełarusi? Spytali ŭ aŭtaamataraŭ
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary