Zachodnija krainy mohuć kanfiskavać zamarožanyja aktyvy Rasii «ŭ adpaviednaści ź mižnarodnym pravam»
Zachodnija krainy ciapier aktyŭna vyvučajuć sposaby kanfiskacyi zamarožanych rasijskich aktyvaŭ na karyść Ukrainy, paviedamlaje Financial Times.
Śćviardžajecca, što ŭ apošnija tydni ZŠA ŭ pryvatnych pieramovach zajmajuć bolš nastojlivuju pazicyju adnosna kanfiskacyi zamarožanych rasijskich aktyvaŭ. Na pasiadžeńniach «Vialikaj siamiorki» ZŠA śćviardžajuć, što isnuje šlach da kanfiskacyi aktyvaŭ, jaki «adpaviadaje mižnarodnamu pravu».
«Čalcy «Vialikaj siamiorki» i inšyja dziaržavy mohuć kanfiskavać aktyvy Rasii ŭ jakaści kontrmiery, kab zaachvocić Rasiju spynić ahresiju», — havorycca ŭ dakumiencie ŭrada ZŠA, ź jakim aznajomiłasia hazieta.
Aficyjny pradstaŭnik ZŠA zajaviŭ Financial Times, što Vašynhton viadzie aktyŭnyja pieramovy nakont vykarystańnia rasijskich aktyvaŭ i ličyć, što rašeńnie treba pryniać u karotkija terminy. Hetaje pytańnie mohuć abmierkavać na mahčymaj sustrečy lidaraŭ «Vialikaj siamiorki», prymierkavanaj da druhoj hadaviny rasijskaha ŭvarvańnia va Ukrainu.
Pavodle infarmacyi vydańnia, pryčyna takoha kroku źviazanaja z tym, što ŭ apošnija tydni sarvałasia vydzialeńnie dvuch pakietaŭ finansavaj dapamohi Ukrainie. Pieršy — na 60 miljardaŭ dalaraŭ z boku ZŠA. Rašeńnie pa hetym pytańni nie ŭchvalili respublikancy ŭ Kanhresie. Druhi — na 50 miljardaŭ z boku Jeŭrasajuza. Z vydzialeńniem hetaj sumy nie pahadziŭsia premjer-ministr Vienhryi Viktar Orban.
U zachodnich krainach zamarožana kala 300 miljardaŭ dalaraŭ reziervaŭ Centralnaha banka Rasii.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary