Śledčyja raskryli zabojstva, jakoje adbyłosia ŭ Buda-Kašalovie jašče ŭ časy BSSR
Uletku 1989 hoda žycharka Buda-Kašalova niečakana stała ŭdavoj. Uviečary 19 lipienia jaje 51-hadovy muž apošni raz pierastupiŭ paroh doma. Užo nočču žančyna pajechała ŭ morh na apaznańnie.
Nieŭzabavie pa nievialikim miastečku raźniesłasia strašnaja navina — kala haścinicy zabili rabotnika elektrasietak. Mužčyna pamior ad straty kryvi, jakaja raźviłasia ŭ vyniku kołata-rezanaj rany, adnaŭlaje padziei tych časoŭ Śledčy kamitet.
Bolš za 30 hadoŭ zabojstva značyłasia ŭ katehoryi nieraskrytych. Vosieńniu 2022 hoda supracoŭniki Buda-Kašaloŭskaha rajonnaha adździeła SK sumiesna z supracoŭnikami HUBAZiKa zmahli razbłytać złačynstva.
Pad śledstvam akazaŭsia 64-hadovy žychar Buda-Kašalova, jaki adbyvaje ŭ kałonii 19-hadovy termin za zamach na zabojstva znajomaha. U 2020 hodzie mužčyna padčas svarki ŭdaryŭ nažom sabutelnika. Da hetaha jon nieadnarazova, pačynajučy z 15 hadoŭ, pryciahvaŭsia da kryminalnaj adkaznaści.
Razzłavanaha z-za žorstkaści baćki padletka ŭpieršyniu asudzili za ździejśnienyja supolna majomasnyja złačynstvy: kradziažy z kramaŭ, šapikaŭ, pryvatnaha doma, abrabavańnie znajomaha. Zatym byli sudy za rabavańnie, fakty pryčynieńnia nažom cialesnych paškodžańniaŭ, pahrozy narodnamu sudździ, zabojstva, zamach na padpał. Paśla pieršaj «adsiedki» fihurant nikoli nie pryznavaŭ viny, zabłytvaŭ śledstva.
Ahułam mužčyna pravioŭ za kratami 45 hadoŭ.
U Buda-Kašalovie jaho pabojvalisia i paźbiahali. Mienavita tamu klučavy śviedka pa nieraskrytym zabojstvie zahavaryŭ praz try dziasiatki hadoŭ. Dla zboru dokazaŭ viny padazravanaha śledčyja dapytali ludziej z akružeńnia zabitaha i fihuranta, praviedzienyja apaznańnie, vočnyja staŭki, pravierka pakazańniaŭ śviedki na miescy zdareńnia. Padazravany na praciahu ŭsiaho śledstva admaŭlaŭ vinu, pavodziŭ siabie dziorzka, davaŭ iłžyvyja pakazańni.
Adnak śledčyja vyśvietlili nastupnaje.
Viečaram 19 lipienia 1989 hoda zabity hulaŭ sa svaim ziaciem pa Buda-Kašalovie. Na vulicy jany paznajomilisia z dvuma kamandzirovačnymi i dapamahli im zasialicca ŭ haścinicu. Tam ža ŭčatyroch vypili.
Paśla niadoŭhich pasiadziełak švahry syšli, troški pachadzili pa horadzie i raźvitalisia. Cieść, viartajučysia dadomu, prachodziŭ kala haścinicy. Pobač ź im išoŭ budučy zabojca. U hety čas adzin z kamandzirovačnych kuryŭ na hanku.
Jon ubačyŭ, jak spadarožnik jaho znajomaha nanios jamu ŭdar nažom i ŭciok. Pryjezdžy zabieh u hatel, vyklikaŭ chutkuju i milicyju. Paranieny mužčyna pamior u balnicy.
Na padstavie sabranych pa spravie dokazaŭ Buda-Kašaloŭskim rajonnym adździełam SK vystaŭlena abvinavačvańnie pa art. 101 (naŭmysnaje zabojstva) Kryminalnaha kodeksa (u redakcyi 1960 hoda). Jamu pahražaje da 20 hadoŭ źniavoleńnia.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary