«Idzicie na ch*j». Mask pasłaŭ kampanii, jakija admovilisia ad rekłamy ŭ Ch paśla antysiemickaha pasta
Miljarder Iłan Mask niecenzurna pasłaŭ rekłamadaŭcaŭ padčas intervju. Bujnyja kampanii pačali admaŭlacca ad rekłamy ŭ sacsietcy Ch, jakoj vałodaje biznesoviec, paśla taho jak Mask apublikavaŭ słovy padtrymki pad antysiemickim pastom.
Sam kamientar biznesoviec nazvaŭ mahčyma, samym horšym za ŭsiu historyju jaho pastoŭ u sacsietkach, siarod jakich, jak jon pryznaŭ, było niamała «durnych».
Adkazvajučy na pytańnie ab bajkocie rekłamadaŭcaŭ, uładalnik X zajaviŭ, što admoviŭšysia ad rekłamy ŭ sacsietcy, kampanii mohuć nie viartacca. Jon nazvaŭ ich dziejańni «šantažom»:
«Kali niechta sprabuje šantažavać mianie rekłamaj, šantažavać mianie hrašyma, idzicie na ch*j. Idzicie na ch*j. Heta zrazumieła? Spadziajusia, što tak.
«Mianie chvaluje realnaść dabra, a nie jahonaje ŭsprymańnie. I paŭsiul ja baču ludziej, jakija kłapociacca ab tym, kab vyhladać dobra, robiačy pry hetym zło. Da djabła ich», — taksama zajaviŭ biznesoviec, krytykujučy rekłamadaŭcaŭ.
U tym ža intervju Mask adznačyŭ, što rekłamny bajkot pryviadzie da hibieli Ch.
«Heta toje, pra što buduć viedać usie na Ziamli, — skazaŭ jon. — Nas nie budzie, i heta adbudziecca z-za bajkotu rekłamadaŭcaŭ».
Bujnyja kampanii, u tym liku IBM, Apple i Disney, prypynili raźmiaščeńnie rekłamy paśla taho, jak Iłon Mask napisaŭ 15 listapada ŭ svaim akaŭncie «Vy skazali čystuju praŭdu» ŭ adkaz na paviedamleńnie karystalnika, jaki śćviardžaŭ, što habrejskija abščyny padtrymlivajuć «dyjalektyčnuju nianaviść da biełych».
Mask nieadnarazova zajaŭlaŭ, što škaduje ab publikacyi hetaha pasta. Pry hetym miljarder admaŭlaŭ abvinavačańni ŭ antysiemityźmie. Na fonie skandału jon naviedaŭ izrailski kibuc Kfar-Aza la miažy ź siektaram Haza, na jaki 7 kastryčnika napali bajeviki CHAMAS.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary