«Mir z CHAMAS niemahčymy, i jany adkryta zajavili ab hetym», — skazaŭ Mark Rehieŭ, jaki zajmaŭ da niadaŭniaha času pasadu pasła Izraila ŭ Łondanie.
Paniaćci «mir» i CHAMAS nie spałučajucca adno z druhim, zajaviŭ Mark Rehieŭ, vysokapastaŭleny izrailski dypłamat, jaki zajmaje pasadu staršaha daradcy ŭrada krainy, piša Bi-bi-si.
«Mir z CHAMAS niemahčymy, i jany adkryta zajavili ab hetym», — skazaŭ Mark Rehieŭ, jaki zajmaŭ da niadaŭniaha času pasadu pasła Izraila ŭ Łondanie.
Vidać, Rehieŭ mieŭ na ŭvazie vykazvańnie aficyjnaha pradstaŭnika CHAMAS, jaki ŭ niadaŭnim intervju haziecie New York Times zajaviŭ, što hrupoŭka raźličvaje na toje, što vajna ź Izrailem «stanie piermanientnaj na ŭsich miežach».
«I mienavita tamu izrailskaja hramadskaść na 100% adzinaja ŭ tym, što my nie žadajem bolš žyć pobač z hetym ankłavam teroru na našaj paŭdniovaj miažy. I my pavinny kazać pra budučyniu biez CHAMAS», — skazaŭ dypłamat.
Adkazvajučy na pytańnie, ci budzie Izrail padtrymlivać adnaŭleńnie siektara Haza, čyja infrastruktura źviedała surjoznyja razbureńni za čas vajny ź Izrailem, Rehieŭ skazaŭ, što biudžet jaho krainy aryjentavany na adnaŭleńnie nasielenych punktaŭ na poŭdni Izraila, spustošanych u vyniku napadu paleścinskich bajevikoŭ.
Pavodle słoŭ dypłamata, jon raźličvaje na toje, što šmatlikija mižnarodnyja partniory buduć hatovy finansavać raboty pa adnaŭleńni siektara Haza.
«Heta nie abaviazkova pavinny być izrailskija hrošy… Heta vajna, jakuju nie my pačali ci da jakoj my imknulisia, jak vy viedajecie. Adkaznaść za pačatak bajavych dziejańniaŭ niasie CHAMAS», — dadaŭ jon.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary