Litoŭcy nie chočuć prymać futbolnuju zbornuju Biełarusi ŭ svajoj krainie
Usio idzie da taho, što abodva sakavickija matčy Biełaruś — Litva za prava zastacca ŭ dyvizijonie «S» futbolnaj Lihi nacyj projduć na niejtralnaj terytoryi, a nie ŭ Vilni ci Koŭnie.
Chutčej za ŭsio, kamandy Karłasa Ałosa i Edharasa Jankaŭskasa zhulajuć u Vienhryi, jakaja stała ŭžo amal rodnaj dla biełaruskich futbalistaŭ, piša Bysport.
«Niadaŭna ja razmaŭlaŭ z hienieralnym sakratarom Biełaruskaj fiederacyi futboła nakont hetaj situacyi. Sioleta jany zhulali adzin matč u Sierbii, a astatnija — u Vienhryi. Pakul jasnaści jašče niama. Kali heta Vienhryja, to matč u adkaz, imavierna, taksama budzie zhulany tam, kab zekanomić srodki», — skazaŭ kiraŭnik Litoŭskaj fiederacyi futboła Edharas Stankiavičus.
«U lubym vypadku, na nastupnym tydni ja jedu va UEFA, na cyrymoniju losavańnia Jeŭra-2024 (adbudziecca 2 śniežnia — NN). My pahavorym pra ahulnaje stanovišča biełarusaŭ. Naša pazicyja nie mianiajecca: my chočam luboj canoj paźbiehnuć hetaha matča», — skazaŭ jon.
Zbornyja Biełarusi i Litvy hulali ŭ siezonie-2022 Lihi nacyj u dyvizijonie S (A — samy mocny dyvizijon, S — pamiž siarednim i słabym, D — samy słaby).
Abiedźvie kamandy zaniali ŭ svaich hrupach apošnija miescy i zaraz pavinny vyjavić, chto zachavaje miesca ŭ dyvizijonie S, a chto apuścicca ŭ dyvizijon D da kvołych Andory, Hibrałtara, Lichtenštejna i San-Maryna.
Pieršy matč pamiž Litvoj i Biełaruśsiu mieŭsia adbycca 24 sakavika 2024 hoda ŭ Litvie.
Biełaruś druhi raz pieramahła Kosava i finišavała čaćviortaj
Hruzija — Luksiemburh, Hrecyja — Kazachstan. Losavańnie stykaŭ Jeŭra-2024
BATE ŭpieršyniu z 2005 hoda moža zastacca bieź miedaloŭ
Minskaje «Dynama» stała čempijonam Biełarusi pa futbole
Nie spynić, nie strymać! Illa Škuryn aformiŭ chiet-tryk u matčy polskaj ekstrakłasy
Kamientary