Kandydat u prezidenty ZŠA Ramasvami bolš nie budzie vykonvać rep Eminiema. Zabaraniŭ sam aŭtar
Viviek Ramasvami, małady miljanier, baćki jakoha imihravali ŭ ZŠA ź Indyi, niečakana akazaŭsia pieramožcam debataŭ u pieršym tury amierykanskich respublikanskich prajmieryz.
Repier Eminiem aficyjna paprasiŭ kandydata ŭ prezidenty ZŠA ad Respublikanskaj partyi Vivieka Ramasvami spynić vykarystańnie jaho muzyki ŭ pieradvybarnaj kampanii, piša Bi-bi-si.
Ramasvami, małady miljanier, baćki jakoha imihravali ŭ ZŠA ź Indyi, niečakana akazaŭsia pieramožcam debataŭ u pieršym tury amierykanskich respublikanskich prajmieryz.
U pačatku žniŭnia videa, na jakim jon padpiavaje chitu Eminiema Lose Yourself («Zhubić siabie») stała virusnym. Eminiem atrymaŭ za hetuju pieśniu premiju «Oskar» za najlepšy saŭndtrek da filma «8 mila», u jakim repier syhraŭ hałoŭnuju rolu.
U liście ad imia adnoj z troch amierykanskich kampanij pa abaronie aŭtarskich pravoŭ, Broadcast Music Inc. (BMI), adrasavanym arhanizataram pieradvybarnaj kampanii Ramasvami, jaki pieršym apublikavaŭ brytanski tabłoid Daily Mail, havorycca, što «kampanija atrymała paviedamleńnie ad Maršała B. Maziersa III, viadomaha jak Eminiem, u jakim jon piarečyć vykarystańniu ŭ kampanii Ramasvami muzyčnaj kampazicyi Eminiema».
«BMI budzie razhladać luboje vykanańnie kampazicyj Eminiema ŭ [chodzie pieradvybarnaj] kampanii Vivek 2024 … jak istotnaje parušeńnie pahadnieńnia (pa abaronie aŭtarskich pravoŭ), u dačynieńni da jakoha BMI pakidaje za saboj usie pravy i srodki pravavoj abarony», — havorycca ŭ liście.
Viviek Ramasvami vykanaŭ Lose Yourself za 11 dzion da lista BMI na kirmašy ŭ štacie Ajova, dzie vystupaŭ pierad publikaj sumiesna z hubiernataram štata, respublikancam Kimam Rejnaldsam.
Rejnalds paprasiŭ 38-hadovaha patencyjnaha kandydata na ŭdzieł u prezidenckich vybarach 2024 hoda nazvać jaho lubimuju pieśniu. Ramasvami z radaściu adkazaŭ, što heta — Lose Yourself.
Praktyčna imhnienna adzin z hukaapierataraŭ pastaviŭ pieśniu ź filma «8 mila», a Ramasvami schapiŭ mikrafon i prademanstravaŭ prysutnym vykanańnie, jakoje stała virusnym: «Hadziny skončylisia, čas vyjšaŭ, usio skončyłasia, viarnisia ŭ realnaść, Hravitacyja sychodzić», praśpiavaŭ kandydat na zachapleńnie hledačoŭ i ŚMI.
«Usio, što zrabiŭ Viviek — heta vyjšaŭ na scenu i pavioŭ siabie svabodna. Na vialiki žal amierykancaŭ, nam pryjdziecca pakinuć rep usiakim padazronym typam [hulnia słoŭ: adno sa sceničnych imionaŭ Eminiema, Slim Shady, možna pieravieści jak «sumniŭny», abo «padazrony» typ], — zajaviŭ aficyjny pradstaŭnik vybarčaj kampanii Ramasvami brytanskamu tabłoidu.
Pry hetym Ramasvami, mahčyma, adziny kandydat ad respublikancaŭ na prajmieryz, jaki moža vykonvać rep i nie zdavacca śmiešnym: jon vykonvaŭ heta padčas vučoby ŭ Harvardskim univiersitecie i źjaŭlajecca daŭnim prychilnikam Eminiema.
«Ja vyras nie ŭ takich abstavinach, jak jon (Eminem)», — skazaŭ Ramasvami, čyje baćki-imihranty ź Indyi byli inžynieram i doktarkaj. — Ale dumka pra toje, što ty aŭtsajdar i što ludzi nie vierać, što ty možaš dasiahnuć vialikich metaŭ, mnie blizkaja».
Na dvuch papiarednich prezidenckich vybarach u ZŠA viadomyja artysty, u tym liku Fareł Uiljams, Ryjana, Aerosmith i Adel, a taksama spadčyńniki Prynsa, skardzilisia, što ich pieśni vykonvalisia na mitynhach Donalda Trampa bieź ich dazvołu.
A «Rolinh Stoŭnz» navat pryhrazili padać u sud, kali pieradvybarčy štab Trampa praciahnie vykarystoŭvać kłasičny chit brytanskaha hurta You Can't Always Get What You Want («Ty nie možaš zaŭsiody atrymlivać toje, što chočaš»).
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady17
Kamientary