Ron Desancis. Fota: John Raoux / AP

Ron Desancis. Fota: John Raoux / AP

Praź niekalki hadzin 44-hadovy Desancis abviaściŭ pra vyłučeńnie ŭ svaim tvitary, a taksama ŭ razmovie ź Iłanam Maskam na płatformie Twitter Spaces, piša Bi-bi-si.

Hetaja prezientacyja z udziełam Maska i jaho daŭniaha siabra i kampańjona Devida Saksa była azmročanaja techničnymi zbojami: tranślacyja, da jakoj spačatku padklučylisia 300 tysiač čałaviek, nadoŭha «zavisała» i pieraryvałasia.

Zajava Desancisa pavinna była supaści pa časie z pačatkam zboru srodkaŭ na jaho vybarčuju kampaniju ŭ Majami i pakłaści kaniec pierasudam, jakija doŭžylisia šmat miesiacaŭ, siarod jaho prychilnikaŭ ab tym, ci zachoča jon papraŭdzie vystavić svaju kandydaturu na budučych prezidenckich vybarach.

Čakajecca, što Desancis budzie pazicyjanavać siabie jak paśpiachovy kansiervatyŭny palityk z dobrym pasłužnym śpisam i biez skandalnaści, tak ułaścivaj Trampu.

Niekatory čas Desancis apiaredžvaŭ pa apytańniach Trampa i ličyŭsia bolš pierśpiektyŭnym supiernikam Džo Bajdena. Adnak u apošnija tydni jaho papularnaść siarod respublikancaŭ prykmietna asieła i jon pačaŭ značna adstavać ad Trampa.

Respublikaniec Ron Desancis staŭ hubiernataram Fłarydy ŭ 2019 hodzie, a letaś jon byŭ tryumfalna pieraabrany z rekordnaj pieravahaj hałasoŭ. Užo tady pačalisia razmovy pra toje, što jon vynošvaje prezidenckija ambicyi i ŭžo ŭ nastupnym hodzie moža vystavić svaju kandydaturu na respublikanskich prajmieryz.

Palityčnyja pohlady Diesancisa adroźnivajucca kansiervatyzmam: jon paśladoŭna zajmaje žorstkuju pazicyju ŭ pytańniach hiendarnaj identyčnaści, vykładańnia ŭ škołach rasavych pytańniaŭ, a taksama vystupaje kateharyčna suprać abortaŭ.

Kali respublikancy štata prapanavali zabaranić nastaŭnikam raspaviadać dzieciam ab seksualnaj aryjentacyi, pakinuŭšy abmierkavańnie hetaj temy na mierkavańnie baćkoŭ, Ron Desancis zajaviŭ ab svajoj padtrymcy hetaha zakonaprajekta.

Aktyvisty nazvali dakumient «Nie kažy «hiej» i papiaredžvali, što jon moža pryvieści da parušeńnia pravoŭ ŁHBT-navučencaŭ.

Adnak jaho elektaratu, padobna, takaja pazicyja vielmi impanuje: miarkujučy pa vynikach apytańniaŭ, za try hady kiravańnia štatam hubiernatar Fłarydy naraściŭ papularnaść u vybarščykaŭ z usich demahrafičnych katehoryj.

Pazicyja Desancisa datyčna vajny va Ukrainie prykmietna adroźnivajecca ad palityki administracyi Džo Bajdena.

U sakaviku Desancis nazvaŭ hetuju vajnu «terytaryjalnaj sprečkaj» pamiž Rasijaj i Ukrainaj. Jamu, praŭda pryjšłosia apraŭdvacca paśla rezkaj krytyki na jaho adras, ale navat u tym tłumačeńni Desancisa prastupała, što tam «nie ŭsio tak adnaznačna». Hubiernatar Fłarydy padkreśliŭ, što Rasija nie mieła prava ŭryvacca ŭ suvierennuju krainu, ale nie praminuŭ adznačyć, što «tam šmat etničnych rasijanaŭ».

U krasaviku Ron Desancis, jaki raniej skieptyčna vykazvaŭsia z nahody masiravanaj amierykanskaj vajskovaj dapamohi Kijevu, zaklikaŭ da mirnych pieramovaŭ pamiž Rasijaj i Ukrainaj, suprać jakich vystupaje Kijeŭ, jaki nastojvaje, što spačatku Ukrainie treba viarnuć svaje zakonnyja terytoryi.

«Vy nie chočacie akazacca ŭ situacyi, padobnaj [da bitvy pry Vierdenie], kali ŭ vas prosta masavyja straty, vialikija vydatki i ŭ kančatkovym vyniku patavaja situacyja», — zajaviŭ Desancis u kancy krasavika ŭ intervju japonskamu vydańniu Nikkei Asia, majučy na ŭvazie samuju praciahłuju bitvu Pieršaj suśvietnaj vajny, u jakoj było zabita kala 700 tysiač čałaviek.

Prezidenckija vybary ŭ ZŠA projduć u listapadzie 2024 hoda. Džo Bajden taksama zajaviŭ, što budzie bałatavacca.

label.reaction.like
2
label.reaction.facepalm
2
label.reaction.smile
1
label.reaction.omg
0
label.reaction.sad
1
label.reaction.anger
1