Hramadstva22

Błohierku Alenu Januškoŭskuju praz sud vypisvajuć z chaty, pradadzienaj uładami ŭ jaje adsutnaść

Zajavu ŭ sud Viciebskaha rajona padaŭ novy haspadar žytła Stanisłaŭ Kaduškievič, sudovy razbor praznačany na 3 kastryčnika, paviedamlaje BAŽ.

Chata błohierki była pradadzienaja z aŭkcyjonu čatyry miesiacy tamu. Sama Alena Januškoŭskaja na toj čas užo niekalki hadoŭ žyła ŭ zamiežžy, pakinuŭšy radzimu praz pahrozu kryminalnaha pieraśledu.

Sioleta ŭ lutym na adzinaje žytło błohierki — chatu ŭ vioscy Sujkava Viciebskaha rajona — byŭ nakładzieny aryšt. Pryčyna — niaspłata štrafaŭ i padatkaŭ na ahulnuju sumu 1436 rubloŭ 60 kapiejek. U traŭni nieruchomaść vystavili na aŭkcyjon, prapanavaŭšy achvotnym kupić jaje za 10 700 rubloŭ. Na dumku błohierki, Biuro techničnaj invientaryzacyi acaniła chatu našmat nižej za rynkavy košt.

«Ja kuplała hetuju chatu amal za 9 tysiač dołaraŭ na pačatku 2000‑ch. Jana nie novaja, 56 kvadratnych mietraŭ, čatyry pakoi. Ale maje vielmi vyhodnaje miesca znachodžańnia: Sujkava mieścicca za try kiłamietry ad Viciebska, siudy chodziać haradskija maršrutki. Na padvorku jość ułasnaja studnia, haspadarčyja pabudovy, łaźnia, litaralna za chataj — sažałka. Ahulnaja płošča ŭčastka 25 sotak, pryčym na samym uskrajku vioski, dzie žyvieš jak na asobnym chutary. Aciapleńnie ŭ chacie piačnoje, ale vioska hazifikavanaja, padvieści haz pry žadańni — nie prablema», — razvažaje Alena Januškoŭskaja.

Jaje žytło pradali z aŭkcyjonu ź pieršaha razu, pryčym značna daražej za zajaŭleny košt, za 18 511 rubloŭ. 

Novaha haspadara, jaki ciapier vypisvaje błohierku praz sud, žančyna viedaje. Heta ŭradženiec vioski Piestunica, dzie žyła jaje dačka, i Alena Januškoŭskaja sama pražyła tam niekalki hadoŭ, dapamahajučy hadavać unučak. A taksama ŭ Piestunicy jana źniała niekalki videarolikaŭ dla svajho videabłoha «Nastojaŝaja Biełaruś», dzie raspaviadała pra prablemy viaskoŭcaŭ.

Ciapier majomaści ŭ Biełarusi ŭ błohierki nie zastałosia. Da słova, paśla pahašeńnia štrafaŭ z prodažu chaty musiła zastacca istotnaja suma hrošaj, adnak Alena Januškoŭskaja ničoha ź jaje nie atrymała.

U Biełarusi suprać błohierki raspačali kryminalnuju spravu za abrazu Alaksandra Łukašenki, žančynu abviaścili ŭ mižnarodny vyšuk. Pieraśledvać jaje pačali paśla pratesnych padziej 2020 hoda: błohierka viała strymy ź mirnych maršaŭ, a potym raspaviadała pra sudy nad ich udzielnikami. Samu Januškoŭskuju taksama nieadnarazova sudzili nibyta za ŭdzieł u niesankcyjanavanych vuličnych mierapryjemstvach, karali administracyjnymi štrafami i aryštami.

U lutym 2021 hoda Alena Januškoŭskaja z pryčyny palityčna matyvavanaha pieraśledu była vymušanaja źjechać ź Biełarusi.

U listapadzie 2021 hoda Ministerstva infarmacyi ŭklučyła ŭ Respublikanski śpis ekstremisckich materyjałaŭ niekalki videarolikaŭ, raźmieščanych na YouTube-kanale «Nastojaŝaja Biełaruś». U śniežni 2022-ha ŭ hety śpis unieśli supołku «Nastojaŝaja Biełaruś» u sacyjalnaj sietcy «VKontaktie», u krasaviku 2023-ha — supołku z takoj samaj nazvaj u «Odnokłaśśnikach», u lutym 2024 hoda — supołku «Nastojaŝaja Biełaruś» u Facebook.

Kamientary2

  • .
    03.10.2024
    Novy ŭłaśnik złoŭžyvaje situacyjaj, karystajučysia drennym stanam pravasudździa ŭ krainie i niemahčymaściu dla sapraŭdnaha ŭłaśnika abaranić svaje pravy.
    Kali adbudziecca reabilitacyja, admieniać štrafy, i jak nastupstva, aŭkcyjon. Novy ŭłaśnik zhubić nieruchomaść biez kampiensacyi.
    Ale hetaha mała. Było b spraviadliva, kab takija atrymali dadatkovuju adkaznaść, jak za saŭdzieł u rabavańni abo skupku kradzienaha.
  • Noŭnejm
    03.10.2024
    Dy ładna, nie treba rasstrojvacca. Vierniemsia i atrymaje hety novy haspadar pinka pad dupu)

Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19

Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»

Usie naviny →
Usie naviny

Hanna Kanapackaja płanuje bałatavacca na vybarach-202530

Prapahandyst raskazaŭ, jak psichična chvory hod tamu źbiraŭsia ŭzarvać ledź nie ceły Minsk8

Adkaznaść za ŭčarašni terakt u Izraili ŭziaŭ na siabie CHAMAS2

U Polščy pakul nie mohuć stvaryć «Ukrainski lehijon» — niama achvotnych23

U kanfiskacie Homiela źjaviŭsia luksavy abutak — krasoŭki amal za 4 tysiačy rubloŭ. Žychary ŭražanyja8

U Biełarusi pačali vypuskać syr ź biełym trufielem1

Padčas teraktu ŭ Izraili ciažka paranieny hramadzianin Biełarusi

Izrail zabaraniŭ ujezd u krainu hienieralnamu sakrataru AAN10

U Biardziansku zabili sudździu-kałabaranta2

bolš čytanych navin
bolš łajkanych navin

Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19

Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»

Hałoŭnaje
Usie naviny →