Va Ukrainie zahinuŭ baćka 14 dziaciej z Tatarstana. Jon pajšoŭ na vajnu, kali padniali vypłatu za padpisańnie kantraktu da $10 tysiač
Heta adna z samych vialikich sumarnych vypłat kantraktnikam u Rasii.
Va Ukrainie zahinuŭ 44-hadovy žychar Tatarstana Abraham Melech, u jakoha było 14 dziaciej, u asnoŭnym niepaŭnaletnija. Ab pachavańni Melecha, što prajšło 2 kastryčnika ŭ Jełabuzie, paviedamiŭ miascovy telekanał, piša Mieduza.
Kantrakt na słužbu ŭ vojsku Melech zaklučyŭ u lipieni 2024 hoda. U lipieni ŭ Tatarstanie ŭdvaja pavialičyli adnarazovyja vypłaty za zaklučeńnie kantraktu na vajskovuju słužbu — da 1,05 miljona rasijskich rubloŭ (prykładna 10 500 dalaraŭ pa siońniašnim kursie) z respublikanskaha biudžetu.
Z ulikam municypalnych vypłat i vypłat ź fiederalnaha biudžetu, ludzi, jakija vyrašyli pajści na vajnu z Ukrainaj mahli atrymać bolš za 1,5 miljona rasijskich rubloŭ (15,8 tysiač dalaraŭ). Heta adna z samych vialikich sumarnych vypłat kantraktnikam u Rasii.
U Melecha 11 dziaciej ad pieršaha šlubu i troje ad druhoha. Starejšaj dačce 22 hady, małodšamu synu dzieviać miesiacaŭ. 11 ź jaho dziaciej — niepaŭnaletnija.
Raniej jaho zvali Uładzimir Hołub, ale zatym jon źmianiŭ imia na Abraham Izrailevič Melech i staŭ davać habrejskija imiony i svaim dzieciam.
Jon šmat hadoŭ pracavaŭ zvarščykam na aŭtazavodzie «KamAZ», ale chacieŭ śpiavać, braŭ uroki vakału i vystupaŭ na haradskich śviatach. U artykule ŭ miascovaj haziecie, jaki vyjšaŭ u 2016 hodzie, Hołub, jaki jašče nie źmianiŭ na toj momant imia i byŭ žanaty pieršym šlubam, tłumačyŭ, što jany z žonkaj «vierniki, tamu aborty ličać nieprymalnymi i raźličvajuć, što «padymuć» usich dziaciej (tady ich było vosiem). Pry hetym, šmatdzietnaja siamja žyła ŭ zdymnaj kvatery.
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19
Kamientary