Hramadstva7171

«Hrantasosy kupajucca va ŭzajemnym kryvaduššy». Capkała aplavaŭ marafon salidarnaści

Marafon salidarnaści z palitviaźniami «Nam nie ŭsio adno» sabraŭ 574 tysiačy jeŭra. Nie ŭsie paličyli heta pośpiecham. Były kiraŭnik PVT i pretendent na prezidenctva Valeryj Capkała adreahavaŭ sieryjaj krytyčnych dopisaŭ.

Valeryj Capkała. Skryn videa z youtube-kanała Valeryja Capkały

Zbor srodkaŭ na akazańnie dapamohi palitviaźniam — kryvadušnaść, napisaŭ Capkała ŭ svaim telehram-kanale. Ën vystupaje za bolš radykalnyja dziejańni.

«Kryvadušnaść — pryciahvać da siabie ŭvahu, vykarystoŭvajučy trahiedyju siemjaŭ zakładnikaŭ režymu, ale ihnaravać nieabchodnaść vydačy ordara na aryšt Łukašenki», — napisaŭ były pamočnik Alaksandra Łukašenki.

Valeryj Capkała nie škaduje hadkich słoŭ u adras arhanizataraŭ i ŭdzielnikaŭ marafonu: «Usie palitviaźni pamianiali b hetyja 200 dalaraŭ na volu abo na vas, kryvadušnikaŭ i padluhaŭ, zamiest siabie za kratami».

Dopis Valeryja Capkały z krytykaj arhanizataraŭ marafonu salidarnaści. Skryn z telehram-kanała Valeryja Capkały

Pieršy svoj dopis Valeryj Capkała prailustravaŭ fotazdymkam Śviatłany Cichanoŭskaj z kiraŭnikom fondu «Bajsoł» Andrejem Stryžakom, u adnym z vuhłoŭ jakoha źmieščana fota Siarhieja Cichanoŭskaha.

U dopisie palityk nie kankretyzuje, jak vydača ordara na aryšt Łukašenki dapamoža palitviaźniam i ich siemjam. Varta adznačyć, što Mižnarodny kryminalny sud vydaŭ ordar na aryšt Uładzimira Pucina za vyvaz ukrainskich dziaciej z akupavanych terytoryj poŭdnia Ukrainy.

«Naša Niva» vysłała Valeryju Capkału pytańni, čamu jaho aburyŭ marafon salidarnaści i što jon prapanuje dziela vyzvaleńnia palitviaźniaŭ. Na momant publikacyi artykuła adkazu ad palityka pakul nie było.

Valeryj Capkała pierajšoŭ u apazicyju da Alaksandra Łukašenki ŭ 2020 hodzie. Da taho jon pracavaŭ jahonym pamočnikam, a paśla kiraŭnikom Parka vysokich technałohij. Capkała sabraŭ nieabchodnuju kolkaść podpisaŭ, kab stać kandydatam u prezidenty, ale jaho, jak i Viktara Babaryku, nie zarehistravali. Paśla hetaha jahonaja žonka Vieranika Capkała adyhrała, razam sa Śviatłanaj Cichanoŭskaj i Maryjaj Kaleśnikavaj, vyklučnuju rolu ŭ mabilizacyi hramadstva na vybary 2020 hoda.

Adčuvajučy niebiaśpieku, Vieranika pakinuła krainu napiaredadni dnia hałasavańnia. Paśla hetaha jany z Valeryjem žyvuć za miažoju. Pad kaniec 2020 hoda Capkała pačaŭ šukać asobnych šlachoŭ-daroh. Ën uvajšoŭ u kaalicyju z Volhaj Karač i šeraham inšych dziejačaŭ druhoha płana.

Zajavy Capkały adnosna marafonu vyklikali niamała krytyčnych zaŭvah u sacyjalnych sietkach, dzie vynik marafonu vyklikaŭ zbolšaha zachapleńnie: ludzi nie čakali takoha vializnaha zboru.

«Pačałosia… paleźli čerci z usich bakoŭ… Dva razy pieračytali płyń dumak Capkały, aformleny ŭ post, tak ničoha i nie zrazumieli», — adznačajecca ŭ kamientary na navinnym kanale biełarusaŭ Litvy Razam.

Kamientar da dopisu Capkały navinnaha kanała Razam. Skryn dopisu z kanała Razam

U samim telehram-kanale Valeryja Capkały dopis taksama sabraŭ emacyjnyja kamientary.

«Biedny Valeryj. Vy taki nikčemny», — havorycca ŭ pieršym.

«Valeryj praciahvaje prabivać dno, — havorycca ŭ jašče adnym. — Kvaternaje pytańnie sapsavała maskvičoŭ, a prahnaść, praźmiernaje eha i, niama čaho hrachu taić, prostaja čałaviečaja duraść zahubili Valeryja», — havorycca ŭ inšym.

Kamientar da dopisu Valeryja Capkały ŭ jaho telehram-kanale

«Hetym pastom vy kančatkova siabie pachavali jak palityka, nazaŭždy!» — kateharyčna zajaŭlaje treci kamientatar.

«Pry ŭsim razumieńni taho, što roznyja hrupy ludziej pahardžajuć adna adnoj, treba pryznać, što sposabu vyzvaleńnia asudžanych pa peŭnych artykułach pakul nichto nie prydumaŭ», — havorycca ŭ inšym dopisie.

Aŭtary niekatorych kamientaroŭ ličać, što prostaja dapamoha viaźniam — heta niedastatkova radykalna.

Kamientar da dopisu Valeryja Capkały ŭ jaho telehram-kanale

«Za 200 miljonaŭ možna było vojska naniać i chacia b pasprabavać, ale imprezy — heta viesieła i biaśpiečna», — prapanuje adzin ź ich.

Anłajn-marafon «Nam nie ŭsio adno!» pravodziŭsia ź inicyjatyvy pradstaŭnicy Abjadnanaha pierachodnaha kabinieta pa sacyjalnych pytańniach Volhi Harbunovaj pry družnaj padtrymcy niezaležnych ŚMI i pravaabarončych supołak, kab sabrać hrošy dla palitviaźniaŭ i ich siemjaŭ. Za dva dni marafonu było achviaravana 574 356 jeŭra.

«Hety marafon znoŭ daŭ vieru ŭ toje, što my, biełarusy, zdolnyja abjadnacca», — zajaviła lidarka biełaruskich demakratyčnych sił Śviatłana Cichanoŭskaja pa zaviaršeńni zboru.

«My zdolnyja dapamahać adno adnamu, dzie b my ni znachodzilisia, — adznačyła jana. — Razam my znoŭ pakazali ŭsiamu śvietu, što nam nie ŭsio adno na losy tych, chto ciapier znachodzicca ŭ zakładnikach režymu».

Sabranyja hrošy naziralnaja rada na čale z pradstaŭnicaj Abjadnanaha pierachodnaha kabinieta Volhaj Harbunovaj maje raźmierkavać pamiž 13-ciu inicyjatyvami i fondami, jakija zajmajucca akazańniem padtrymki palitźniavolenym. Jany, u svaju čarhu, buduć adpraŭlać hrošy represavanym pa niabačnych kapilarach sistemy dapamohi. 

«Naša Niva» — bastyjon biełaruščyny

PADTRYMAĆ

Hladzicie taksama:

Vadzim Prakopjeŭ pradstaviŭ svoj płan vyzvaleńnia palitviaźniaŭ

«Prystojnyja, advažnyja, šlachietnyja». Chto z zamiežnikaŭ zaklikaŭ dałučycca da biełaruskaha marafonu salidarnaści

Jak schavać, što ty danaciŭ praz fejsbuk? Valeryj Capkała i Andrej Stryžak majuć roznyja mierkavańni

«Peŭnaja filtracyja kantynhientu». Cierciel rastłumačyŭ uzmocnieny kantrol i pravierki telefonaŭ na hranicy

Kamientary71

  • Lolik z-pad Limasoła
    31.07.2023
    ci čytali, dzie jon vučyŭsia, čym jon zajmaŭsia ŭ 90yja? słovami Paźniaka: AHIENTURA!
  • Aleks
    31.07.2023
    Takoje vpiečatlenije, čto Ciepkało naniał Azarienka kopirajtierom :)
  • Josik
    31.07.2023
    Zrazumiejecie, ab čym ja. Pracavaŭ kalektyŭ u pryvatnaj kampanii, praz hod adnaho chłopca pastavili kiravać adździełam, i paliłosia ź jaho haŭno. Voś što pasada robić z čałaviekam, byŭ našym, a kali dali pasadu, sapsavaŭsia - kazali supracoŭniki. Nie, nie sapsavaŭsia, jon byŭ takim, ale nie było ŭmovaŭ, kab hetaje haŭno vypierła vonki. Dyk voś, spadar Valer, byŭ ty jak toj kiraŭnik adździełu, takim i zastaŭsia. Cudoŭna žyłosia z łukašenkam, chatu jakuju pabudavaŭ, hrošaj nazapasiŭ na ...cać hadoŭ napierad, a zaraz usich biełarusaŭ abražaješ, bo tvaje dopisy ŭ adras arhanizataraŭ marafonu na ŭsiech udzielnikaŭ nakładajucca.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA1

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku123

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA1

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →