Biełarus, jakoha zatrymlivali na akcyi ŭ Tbilisi, padajecca na mižnarodnuju abaronu ŭ Hruzii
Napiaredadni pa miescy žycharstva Jaŭhiena Muravickaha šukali siłaviki.
Ranicaj Muravicki padaŭ dakumienty na mižnarodnuju abaronu ŭ mihracyjnuju słužbu ŭ Tbilisi, ale praz hadzinu ich viarnuli, raspavioŭ «Salidarnaści» pravaabaronca Raman Kiślak.
Paśla jaho adpravili ŭ inšy adździeł, dzie Jaŭhiena Muravickaha apytali, skazali, što jamu nieabchodna zrabić vizaran (pierasiekčy miažu z Hruzijaj). Daviedaŭšysia, što jon maje namier źviartacca pa mižnarodnuju abaronu, rastłumačyli, što ŭ vizaranie niama sensu, dapoŭniŭ pravaabaronca.
A 14.00 pavodle hruzinskaha času Jaŭhien Muravicki robić druhuju sprobu padać zajavu z prośbaj ab atrymańni mižnarodnaj abarony.
Napiaredadni biełarusa pa miescy žycharstva ŭ Tbilisi šukali siłaviki. Pa słovach Ramana Kiślaka, čaćviora asob u cyvilnym adzieńni apytvali susiedziaŭ Jaŭhiena.
30 listapada biełarusa Jaŭhiena Muravickaha zatrymali ŭ Tbilisi na praśpiekcie Rustavieli. Ź SIZA jaho vyzvalili 2 śniežnia, skłaŭšy pratakoł pavodle artykuła ab «abrazie śpiecnazaŭca».
Kamientary