U Oršy za palityku sudziać praŭładnaha błohiera, jaki nazyvaŭ siabie «pamahatym kryvavaha režymu Łukašenki»
Mužčynu staviać u vinu prapahandu nacyzmu i ŭdzieł u masavym mierapryjemstvie.
Dźmitryj Bielašoŭ zajmajecca dyzajnam sajtaŭ i SEO, a taksama viadzie kanały ŭ roznych sacsietkach. Tam jon aktyŭna vykazvaŭ simpatyi Łukašenki, a taksama vyśmiejvaŭ jaho praciŭnikaŭ.
35-hadovy błohier časta naviedvaŭ roznyja praŭładnyja mierapryjemstvy, fatahrafavaŭsia z savieckim ściaham. Niadaŭna jon źniaŭ rolik pra toje, jak stavić podpis za kamunista Siarhieja Syrankova i paralelna taŭravaŭ «bčbšnikaŭ», piša «Viciebsk, ja hulaju».
U apisańni svajho jutub-kanała Bielašoŭ śćviardžaje, što źjaŭlajecca «pamahatym «kryvavaha režymu» Łukašenki i hanarycca hetym».
Spravu Dźmitryja razhladajuć u sudzie Aršanskaha rajona. Jaho abvinavačvajuć pavodle dvuch administracyjnych artykułaŭ:
- 19.10 č. 1 — prapahanda abo publičnaje demanstravańnie, vyrab, raspaŭsiudžvańnie nacysckaj simvoliki abo atrybutyki;
- 24.23 č. 1 — parušeńnie paradku arhanizacyi abo praviadzieńnia masavych mierapryjemstvaŭ.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary