Vojski, jakija ačapili parłamient Paŭdniovaj Karei, stali pakidać budynak. Zdajecca, vajskovy pieravarot pravaliŭsia
Vojski pačali adstupać ad parłamienta paśla taho, jak deputaty pryniali rezalucyju ab admienie vajennaha stanovišča ŭ krainie, jakoje sprabavaŭ uvieści prezident Jun Sok Jol. Pra heta paviedamiŭ miascovy telekanał YTN.
Tym nie mienš častka vojskaŭ pakul zastajecca na dziažurstvie kala budynka parłamienta, adznačaje kanał.
Rašeńnie ab vajennym stanoviščy kančatkova pavinien admianić sam prezident, jaki daść kamandu Minabarony. Jon abaviazany zrabić heta paśla hałasavańnia parłamienta, ale takoha rašeńnia pakul niama.Tamu pakul u krainie zachoŭvajecca dvuchsensoŭnaja situacyja.
Pradstaŭnik partyi «Siła naroda», da jakoj adnosicca i prezident, zajaviŭ: «Vajennaje stanovišča vyčarpała svoj praktyčny efiekt. Ažyćciaŭleńnie dziejańniaŭ na asnovie vajennaha stanovišča źjaŭlajecca niezakonnym dla vajskoŭcaŭ i palicyi». Pry hetym jon adznačyŭ: «Jak kiroŭnaja partyja, my vielmi škadujem, što adbyŭsia hety incydent. My abaronim narod i libieralnuju demakratyju».
Karejskija ŚMI pišuć, što vakoł budynka administracyi prezidenta panuje napružanaja atmaśfiera. Kolkaść supracoŭnikaŭ słužby biaśpieki tam značna pavialičanaja. Źviestak pra toje, dzie ciapier Jun Sok Jol, jaki abjaviŭ vajennaje stanovišča, niama.
Dziejańni prezidenta byli nibyta nastolki niečakanymi, što navat supracoŭniki jahonaj administracyi nie viedali źmiestu jaho vystupu, pakul jon nie vyjšaŭ u efir.
Dziarždep ZŠA, u svaju čarhu, vykazaŭ «surjoznuju zaniepakojenaść». Vyhladaje, što rašeńnie prezidenta Paŭdniovaj Karei stała siurpryzam i dla administracyi Džo Bajdena.
Parłamient Paŭdniovaj Karei prahałasavaŭ za admienu vajennaha stanovišča
U Paŭdniovaj Karei adbyvajecca sproba pieravarotu. Prezident abviaściŭ vajennaje stanovišča, matyvujučy patrebaj abarony ad «kamunistyčnych siłaŭ»
U Paŭdniovaj Karei adkryli niezvyčajny Starbucks — z mahčymaściu nazirać za žycharami KNDR
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary
Moh kak Jelcin postupiť.