Syn palityka, brat kalinoŭca. Palitviaźni, jakich pasadzili ŭ znak pomsty svajakam

Syn apazicyjnaha palityka Arciom Labiedźka

U niavoli ŭtrymlivajuć syna palityka Anatola Labiedźki — 37-hadovaha Arcioma Labiedźku.

Pra jaho źniavoleńnie stała viadoma naprykancy sakavika hetaha hoda. Palitykaj Arciom nie zajmaŭsia.

Pavialičyć

Arcioma źmiaścili ŭ Centr izalacyi pravaparušalnikaŭ na Akreścina na 15 sutak. Zatym dadali jašče 15 sutak — nibyta za niepadparadkavańnie zakonnym patrabavańniam supracoŭnikaŭ milicyi i supraciŭ.

Urešcie suprać Arcioma raspačali kryminalnuju spravu. 

Jaho abvinavačvajuć u finansavańni ekstremisckaj dziejnaści pavodle art. 361-2 Kryminalnaha kodeksu.

Žonka błohiera Darja Łosik

Žonku błohiera Ihara Łosika, asudžanaha na 15 hadoŭ uzmocnienaha režymu, Darju Łosik adpravili na 2 hady ŭ kałoniju.

Darju abvinavacili ŭ sadziejničańni ekstremisckamu farmavańniu — za jaje intervju pra muža za kratami.

Pavialičyć

U Ihara i Darji Łosikaŭ jość čatyrochhadovaja dačka Paŭlina, nad jakoj ciapier apiakujucca babuli i dziaduli.

Padstavaj dla kryminalnaha pieraśledu Darji stała intervju, jakoje jana dała ŭ krasaviku 2021 hoda telekanału «Biełsat» (režym Łukašenki pryznaŭ jaho «ekstremisckim farmiravańniem», jak i niekatoryja inšyja niezaležnyja ŚMI).

Siastra kalinoŭca Viktoryja Navickaja

Na 1,5 hoda kałonii asudzili siastru dobraachvotnika-kalinoŭca Jana Mielnikava — Viktoryju Navickuju.

Pavialičyć

Pra źniavoleńnie Viktoryi paviedamiła jaje sukamiernica.

«Viku asudzili na paŭtara hady kałonii za toje, što jana siastra čałavieka, jaki abaraniaje Ukrainu», — raskazała sukiemiernica prajektu «Palitviazynka».

Stryječny brat kalinoŭca Siarhiej Frančuk

Asudžany i stryječny brat namieśnika kamandzira Pałka Kalinoŭskaha Vadzima Kabančuka — Siarhiej Frančuk.

Jaho adpravili na try hady kałonii ahulnaha režymu pa šerahu pratesnych artykułaŭ — 342 (dziejańni, jakija hruba parušajuć hramadski paradak), 369 (abraza pradstaŭnkia ŭłady), 368 (abraza Łukašenki), 130 (raspalvańnie varožaści).

Pavialičyć

Užo ŭ źniavoleńni na Siarhieja raspačali jašče adnu kryminalnuju spravu za abrazu Łukašenki pavodle č. 1 art. 368 Kryminalnaha kodeksa i dadali paŭhoda terminu.

Svajak palityka Anatol Łatuška

Na 6 hadoŭ asudžany stryječny brat palityka Paŭła Łatuški — Anatol Łatuška.

Pavialičyć

Anatola abvinavacili ŭ malavańni praz trafarety «Pahoni» (heta paličyli chulihanstvam), abrazie dziaržaŭnych simvałaŭ, udziele ŭ maršach u 2020-m i niezakonnym raspaŭsiudzie infarmacyi ab pryvatnym žyćci i piersanalnych danych.

Viadoma, što paśla zatrymańnia jaho mocna źbili.

Małodšy brat admina kanała Arciom Vajciachovič

U niavoli ŭtrymlivajecca 15-hadovy Arciom Vajciachovič. Jon brat administratara telehram-kanała Biełaruskaj supolnaści čyhunačnikaŭ.

Siłaviki patrabavali, kab byŭ vydaleny pratesny kanał čyhunačnikaŭ, u abmien na vyzvaleńnie padletka.

Na chłopca raspačataja kryminalnaja sprava pa častcy 2 artykuła 208 KK (vymahalnictva). Jamu pahražaje da 10 hadoŭ źniavoleńnia.

Chłopca troje dzion trymali ŭ izalatary na Akreścina. Da jaho nie puskali ni baćkoŭ, ni advakata. Potym adpravili ŭ respublikanskuju kliničnuju psichijatryčnuju balnicu «Navinki».

Arcioma ŭtrymlivajuć na Vaładarcy.

Siońnia biełaruskija niezaležnyja miedyja i pravaabarončyja inicyjatyvy pravodziać anłajn-marafon «Nam nie ŭsio adno!», kab sabrać hrošy dla palitviaźniaŭ i ich siemjaŭ. 

Achviaravać hrošy možna pa spasyłcy: salidarnasc.com 

Hladzicie taksama:

Siońnia anłajn-marafon u padtrymku palitviaźniaŭ. Dałučajciesia!

Žurnalist Aleh Hruździłovič prezientavaŭ svaju knihu pra pieražytaje za kratami. I nazvaŭ samy papularny raman na Vaładarcy

Sudździa, viadomaja mnohim palitviaźniam, i prakuror ź miedalom ad Łukašenki. Chto sudziŭ Alesia Puškina

Pa BT pakazali, jak žyvuć palityčnyja ŭ škłoŭskaj kałonii. Byłyja palitviaźni tłumačać, što heta nasamreč za korpus

• 3
• 0
• 0
• 0
• 1
• 2
• 8
• 0