Raskład ciahnikoŭ z Homiela, Mahilova i Minska źmianiŭsia z-za ramontu mosta
Ciahniki mižrehijanalnych i rehijanalnych linij na ŭčastku Minsk — Asipovičy buduć iści pa źmienienym raskładzie i maršrucie z-za ramontu čyhunačnaha mosta na pierahonie Puchavičy — Talka, paviedamlaje Biełčyhunka.
Ciahnik №621 Homiel — Minsk z adpraŭleńniem z Homiela 12 listapada ŭ 22.05 ad stancyi Žłobin prajedzie praz Mahiloŭ, Oršu i prybudzie ŭ Minsk u 9.34 (zamiest 5.41).
Ciahnik №631/632 Homiel — Hrodna z Homiela 13 listapada taksama pojdzie pa źmienienym raskładzie i maršrucie praz Asipovičy, Słuck i Baranavičy-Paleskija.
Akramia taho, 13 listapada ciahnik №744/745 Mahiloŭ — Minsk — Mahiloŭ budzie iści praz stancyju Orša-Centralnaja z adpraŭleńniem z stancyi Mahiloŭ-1 u 7.20 i prybudzie na stancyju Minsk-Pasažyrski ŭ 10.49. U zvarotnym kirunku ciahnik №744 Minsk — Mahiloŭ budzie adpraŭlacca z stancyi Minsk-Pasažyrski ŭ 16.50 z prybyćciom na stancyju Mahiloŭ-1 u 20.10.
«Dla pieravozki pasažyraŭ u znosinach Homiel — Žłobin — Minsk pryznačany ciahnik №641/642 Homiel — Minsk — Homiel z adpraŭleńniem z Homiela 13 listapada ŭ 6.59 i prybyćciom u Minsk u 14.12. Nazad ciahnik adpraŭlajecca ź Minska ŭ hetyja ž dni ŭ 16.15 z prybyćciom u Homiel u 23.55. Ciahnik budzie iści pa źmienienym maršrucie praz stancyju Orša-Centralnaja (biez vysadki i pasadki pasažyraŭ na pramiežkavych stancyjach)», — paviedamili ŭ pres-centry.
Taksama asobnyja ciahniki mižrehijanalnych i rehijanalnych linij biznes-kłasa, jakija kursujuć pa maršrutach Minsk — Homiel i Minsk — Kalinkavičy — Mazyr, buduć iści pa źmienienym raskładzie i maršrucie da stancyi Asipovičy-1, a niekatoryja ciahniki, u tym liku Minsk — Mahiloŭ, admianiajucca.
13 listapada na ŭčastku Minsk — Asipovičy ciahniki rehijanalnych linij ekanomkłasu buduć iści ŭ złučeńni Minsk — Puchavičy i Talka — Asipovičy (zamiest Minsk — Asipovičy) pa źmienienym maršrucie i raskładzie. Dla dastaŭki pasažyraŭ pamiž stancyjami Talka i Puchavičy budzie arhanizavana aŭtobusnaje znosiny pa čyhunačnych biletach.
Pasažyraŭ prosiać z razumieńniem pastavicca da ramontnych rabot i ŭličvać infarmacyju pry płanavańni padarožžaŭ.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary