29 listapada prajšli ŭračystaści, pryśviečanyja 197‑j hadavinie pierapravy armii Napaleona praź Bierazinu.
29 listapada prajšli ŭračystaści, pryśviečanyja 197‑j hadavinie pierapravy armii Napaleona praź Biarezinu.
U mierapryjemstvach ušanavańnia pamiaci zahinułych prymała ŭdzieł francuzskaja delehacyja na čale z pasłom Francuzskaj Respubliki Mirej Miuso, pradstaŭniki biełaruskich uładaŭ i dypłamatyčnaha korpusu.
Uračystaści prajšli na miescy pierapravy francuzskaj armii cieraź Biarezinu, dzie stvorany miemaryjał «Bryleŭskaje pole», a taksama na mohiłkach vioski Studzionka, na jakich znachodzicca brackaja mahiła francuzskich sałdat, zahinuŭšych padčas padrychtoŭki pierapravy praz raku.
Ździŭlała pazityŭnaja atmaśfiera ŭračystaściaŭ. Nivodzin z pramoŭcaŭ nie dazvoliŭ sabie varušyć minułaje i šukać vinavatych u toj dalokaj vajnie.
Francuzy strymana adznačali, što ahresaram ŭ 1812 hodzie źjaŭlałasia Francyja, a pradstaŭniki miascovaj barysaŭskaj viertykali zapeŭnivali prysutnych, što i nadalej buduć kłapacicca ab pomnikach sałdatam francuzskaha vojska.
Napeŭna, takoje zamireńnie mahčymaje tolki praz 200 hod paśla skančeńnia vajny. I nam jašče doŭha čakać ušanavańnia biełaruskimi ŭładami pamiaci ab zahinułych niamieckich žaŭnierach.
Ušanavańnie 197‑j hadaviny pierapravy Napaleona praź Biarezinu supała sa skančeńniem dypłamatyčnaj misii spadaryni Miurej Miuso. Jana zapeŭniła ŭsich prysutnych, što Biełaruś zastaniecca ŭ jaje pamiaci jak kraina cudoŭnych ludziej, a jana sama i dalej budzie trymać suviaź ź Biełaruśsiu i biełarusami.
25‑27 listapada 1812‑ha hoda vojska Napaleona pierapraviłasia cieraź Biarezinu, niahledziačy na sproby rasijskich vojsk spynić armiju. Padčas toj pierapravy zahinuła kala 30 tys. sałdat Napaleona. Tych, chto zmoh pierapravicca, čakali nie mienš ciažkija vyprabavańni na šlachu da Vilni.
Što za čamadan nosić kala Łukašenki jahony achoŭnik? Nie, tam nie jadziernaja knopka14
Kamientary