Demakratyčnaja lidarka Biełarusi padvierhła rezkaj krytycy mižnarodnyja arhanizacyi ŭ spravie dapamohi palitviaźniam, zajaviŭšy, što jany «impatentnyja» ŭ hetym pytańni. Heta prahučała padčas fiestyvalu «Jadnajsia» ŭ Varšavie, jak piša «Pozirk».
«Čyrvony kryž — kolki razoŭ my sustrakalisia: «Idzicie i patrabujcie dostupu da palitviaźniaŭ. U nas humanitarny śpis jość», — zajaviła Śviatłana Cichanoŭskaja.
Pavodle jaje słoŭ, u arhanizacyi adkazvali, što ŭ ich «niama dostupu, jany nie mohuć».
Cichanoŭskaja źviarnuła ŭvahu na dypłamatyčnyja kantakty Šviejcaryi i ES z aficyjnym Minskam, ale «jany ničoha nie mohuć zrabić», pakolki ŭłada «nie pavažaje nijakich mižnarodnych abaviazacielstvaŭ».
«Nu voś što ty tut zrobiš? — adznačyła palityk. — Režym nie idzie nasustrač takim zaklikam: «Adpuścicie ludziej, u jakich rak, u jakich dyjabiet…» Nie, jany atrymlivajuć asałodu ad taho, što jany majuć uładu».
Adzinaj dziejsnaj stratehijaj eks-kandydatka ŭ prezidenty nazvała praciah cisku na aficyjny Minsk i zaklikała dapamahać palitviaźniam, pryznaŭšy niedastatkovaść instytucyjnaj padtrymki.
Pavodle PC «Viasna», na 14 červienia ŭ Biełarusi 1492 palitviaźni.
-
Kanadski prafiesar zaklikaŭ biełarusaŭ da vyklučnaj strymanaści ŭ pytańni dystancyjavańnia ad Rasii
-
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
-
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ2
Kamientary