Marka pryśviečanaja historyi ataki rasijskaha krejsiera «Maskva» na vostraŭ Źmiainy ŭ Čornym mory, jaki abaraniali ŭkrainskija pamiežniki, u lutym 2022 hoda, u pačatku poŭnamaštabnaha ŭvarvańnia. Na patrabavańnie zdacca ŭkrainski vajskoviec adkazaŭ: «Ruski vajenny karabiel, idzi na ch***!» Vyraz staŭ miemam. Usich abaroncaŭ vyspy zachapili ŭ pałon i paźniej abmianiali. A ŭ krasaviku «Maskvu» patapili ŭkraincy. 

Marka pryśviečanaja historyi ataki rasijskaha krejsiera «Maskva» na vostraŭ Źmiainy ŭ Čornym mory, jaki abaraniali ŭkrainskija pamiežniki, u lutym 2022 hoda, u pačatku poŭnamaštabnaha ŭvarvańnia. Na patrabavańnie zdacca ŭkrainski vajskoviec adkazaŭ: «Ruski vajenny karabiel, idzi na ch***!» Vyraz staŭ miemam. Usich abaroncaŭ vyspy zachapili ŭ pałon i paźniej abmianiali. A ŭ krasaviku «Maskvu» patapili ŭkraincy. 

«Ukrpošta» stała najlepšaj i ŭ katehoryi «Fiłatelistyčnaja kampanija hoda». Nakład paštovaha vypusku «Ruski vajenny karabiel, idzi na …» skłaŭ piać miljonaŭ asobnikaŭ, piša «Ukrainskaja praŭda».

«2022 hod staŭ dla ŭkrainskaj fiłatelii hodam pierazahruzki, uzdymu i sapraŭdnaha roskvitu. Prykład «Ukrpošty» dakazaŭ, što hetaja halina moža mieć nadzvyčajny popyt i papularnaść. Ukrainskaj fiłatelijaj stali cikavicca nie tolki ŭnutry krainy, ale i ŭ śviecie», — adznačajuć va «Ukrpošcie».

Paviedamlajecca, što pra ŭkrainskija marki pisali suśvietnyja miedyja: CNN, The Guardian, The Times, The Washington Post, Bloomberg i inš.

Paštovaja marka «Ruski vajenny karabiel, idzi na …» ciapier raźmieščana ŭ ekspazicyi Śmitsanaŭskaha paštovaha muzieja ŭ Vašynhtonie.

Paštovyja marki Ukrainy vajennaha času jość u kalekcyjach lidaraŭ dziaržaŭ i kiraŭnikoŭ mižnarodnych arhanizacyj, jakija naviedvali Ukrainu na praciahu 2022 hoda.

U cełym nakłady ŭkrainskich paštovych marak vyraśli da miljonaŭ.

Razam z «Ukrpoštaj» finalistami ŭ hetaj naminacyi byli «Pošta Sinhapura» (Singapore Post) i «Pošta Brazilii» (Correios — Brazil Post).

Taksama «Ukrpošta» była adznačanaja ŭznaharodaj World Post & Parcel Awards — 2023 u katehoryi «Paštovy apieratar».

Клас
16
Панылы сорам
0
Ха-ха
1
Ого
0
Сумна
0
Абуральна
2