Siamja viehanaŭ paprasiła susiedziaŭ začyniać vokny, kali tyja hatujuć miasa
U kamientarach mnohija ludzi byli ŭ lutaści z-za prośby siamji da susiedziaŭ začyniać vokny padčas hatavańnia miasa.
U Aŭstralii pryznali, što siamja viehanaŭ maje prava, paśla taho, jak jana adpraviła svaim susiedziam list z prośbaj začyniać vokny padčas hatavańnia miasa.
Sprečka miž susiedziami pačałasia ŭ horadzie Piert (Aŭstralija), kali žychar Bierns-Bič zajaviŭ, što pach miasa, jaki danosicca z doma jahonaha susieda, pryvodzić da «vanitaŭ, a taksama zasmučaje» jaho siamju, jakaja jeść raśliny, piša UNIAN.
Rukapisny list, jaki byŭ adpraŭleny na akaŭnt Hey Perth u fejsbuku, utrymlivaŭ papiaredžańni «kali łaska, pastaŭciesia surjozna» i «važnaje paviedamleńnie».
U piśmie havaryłasia: «Dobry dzień, susied, nie mahli by vy začyniać bakavoje akno, kali hatujecie, kali łaska? Maja siamja — viehany (my jamo tolki raślinnuju ježu), i pach miasa, jakoje vy hatujecie, prymušaje nas adčuvać siabie drenna i pieražyvać».
«My budziem udziačnyja za vaša razumieńnie», — napisali ŭ liście «Sara, Uejn i dzieci».
5 maja papularny akaŭnt Hey Perth u fejsbuku padpisaŭ post: «Dasłała nam Kajli ź Bierns-Bič».
U kamientarach mnohija ludzi byli ŭ lutaści z-za prośby viehanskaj siamji.
Niekatoryja ludzi žartavali, što kali b jany atrymali padobny list, to ŭ adpłatu zładzili b barbiekiu pa susiedstvie. «Hospadzie, kudy kocicca śviet, kali ty nie možaš pryhatavać stejk na ŭłasnaj kuchni», — skazaŭ adzin čałaviek.
«Jany pavinny zładzić vuličnuju viečarynu i napicca na łužku pierad domam», — prapanavaŭ inšy čałaviek.
Taksama niekatoryja śćviardžali, što nichto nie «kłapocicca» pra toje, što ludzi hatujuć u siabie doma, i što siamja viehanaŭ nie pavinna «naviazvać [svaje] pohlady na ježu» susiedziam.
Tym časam častka ludziej padzialiłasia ŭłasnymi prapanovami ab tym, jak siamja «drapiežnikaŭ» pavinna reahavać na svaich susiedziaŭ, jakija lubiać harodninu.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
Mnie taksama ni padabałaś kali raniej susiedzi smažyli mojvu
Da nu na.padobnuju...talerantnaść čałavieka prava ..davodziać da absurda