Pad Brestam milicyja pryšpilvaje pakinutyja biez nahladu rovary trosam ź birkaj
Pad Brestam milicyja ŭviała nou-chau ŭ baraćbie z kradziažami rovaraŭ, pra heta raskazali ŭ Bresckim RAUS žurnalistam miascovaha dziaržaŭnaha telekanała. Supracoŭnikam milicyi razdali błakavalnyja trosy, jakimi jany na terytoryi svajoj adkaznaści pryšpilvajuć kinutyja rovary.
Navacyju ŭkaranili ŭ ahraharadku Vialikija Matykały Bresckaha rajona.
Achoŭny tros jość nie tolki va ŭčastkovaha. Ich razdali inśpiektaram pa spravach niepaŭnaletnich, supracoŭnikam kryminalnaha vyšuku. U dalejšym padčas niasieńnia słužby, kali milicyjaniery buduć zaŭvažać pakinutyja na praciahły čas biez nahladu srodki pieramiaščeńnia, jany buduć błakavać ich, tym samym zabiaśpiečvajučy zachavanaść, jak zapeŭnivajuć u RAUS.
Da trosa pryšpilenaja birka z kantaktnym numaram milicyjanta. Pa hetym numary ŭładalnik pavinien patelefanavać, kab supracoŭnik pryjšoŭ i źniaŭ błakavalnuju pryładu.
Ci budzie nieabchodnaść źviartacca da siłavika adzinym pakarańniem za pakidańnie rovara biez nahladu, nie paviedamlajecca.
Z pačatku hoda ŭ Bresckaj vobłaści zarehistravali ŭžo 102 kradziažy viełasipiedaŭ.
Kamientary
Štraf 5 bazovych,povtorno — 3 mies.obŝiestviennyje raboty s konfiskacijej orudija priestuplenija.