Zialenski zajaviŭ, što ŭkrainskaja armija hatovaja da kontrnastupu, a Kijeŭ raźličvaje ŭstupić u NATA paśla vajny
Prezident Ukrainy Uładzimir Zialenski zajaviŭ, što armija Ukrainy hatovaja da kontrnastupleńnia. Ale nie staŭ nazyvać datu jaho pačatku.
U intervju amierykanskamu vydańniu Wall Street Journal Zialenski adznačyŭ, što jany chacieli b jašče atrymać dapamohu ad sajuźnikaŭ.
Jon vieryć u pośpiech ukrainskaj armii, ale papiaredziŭ, što praźmiernych čakańniaŭ u suviazi z nadychodziačymi apieracyjami być nie pavinna, sama Ukraina moža panieści ŭ chodzie kontrnastupu značnyja straty.
Zialenski adznačyŭ taksama, što razumieje, što ŭ čas vajny Ukraina nie moža ŭstupić u NATO, ale dla ich važna pačuć, što Ukraina zmoža ŭstupić u Aljans paśla vajny.
— Niekatoryja krainy NATO tak bajacca Rasiju, što nie hatovyja bačyć Ukrainu ŭ błoku. Kali nas nie bačać i nie daduć niejki sihnał u Vilni [na samicie NATO ŭ lipieni], ja miarkuju, što Ukrainie niama čaho rabić na hetym samicie, — skazaŭ Zialenski.
— Kolki žyćciaŭ kaštuje adna fraza na vilenskim samicie: «Ukraina budzie ŭ NATO paśla hetaj vajny»? — vykazaŭsia jon.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?30
Kamientary
a raniej jon pra heta dumaŭ?
Za połčasa do viesny
22
vied́ tak?