Ministerstva justycyi Rasii ŭpieršyniu za try tydni papoŭniła rejestr «zamiežnych ahientaŭ». U jaho dadali dzieviać čałaviek, u tym liku ŭradženca Minska, frantmiena hrupy «Bi-2» Jahora Bortnika (Lova Bi-2).
Lidar hurta «Bi-2», jak piša Miniust, vystupaŭ suprać śpiecyjalnaj vajennaj apieracyi (tak rasijskija ŭłady pa-raniejšamu nazyvajuć vajennaje ŭvarvańnie va Ukrainu), a taksama «niehatyŭna vykazvaŭsia ŭ dačynieńni da Rasijskaj Fiederacyi, jaje hramadzian i orhanaŭ dziaržaŭnaj ułady».
U pačatku maja Jahor Bortnik napisaŭ u sacsietkach, što nie źbirajecca viartacca ŭ Rasiju, a taksama paspračaŭsia z padpisantami pra Dzień Pieramohi. «Pucinskaja Rasija vyklikaje tolki ahidu i hidlivaść», — napisaŭ Lova Bi-2.
Jahor Bortnik naradziŭsia ŭ Minsku ŭ 1972 hodzie i da 1991 hoda žyŭ u Biełarusi. Šura Bi-2 naradziŭsia ŭ Babrujsku.
Ciapier «Bi-2» hastraluje pa ZŠA. Raniej u muzykaŭ byŭ zapłanavany kancert u Maskvie 10 červienia, adnak ciapier na sajcie hurta infarmacyi pra jaho niama — dva najbližejšyja da 10 červienia vystupy, zhodna z raskładam, pavinny prajści 28 maja ŭ Ńju-Jorku i 11 červienia ŭ Taškiencie.
Uviesnu 2022 hoda «Bi-2» sutyknuŭsia z admienaj šerahu kancertaŭ u Rasii paśla taho, jak 28 krasavika hurt admoviŭsia vystupać u Omsku na fonie baniera «Za prezidenta», raźmieščanaha na kancertnaj placoŭcy.
«Bi-2» — adzin z samych kamiercyjna paśpiachovych hurtoŭ na rasijskaj scenie. Pavodle rejtynha časopisa Forbes, u 2020 hodzie hrupa ŭvachodziła ŭ dziasiatku samych vysokaapłatnych zorak rasijskaha šou-biznesu.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary