Čytačy Onliner źviarnuli ŭvahu na toje, što ryba ad «Santa Bremar» u vakuumnaj upakoŭcy straciła svoj zvykły nasyčany łasasiovy koler. Redakcyja spytała ŭ vytvorcy, što adbyłosia.
![](http://d3kcf2pe5t7rrb.cloudfront.net/img/w840d4webp1/photos/z_2023_05/ec545cd8598efbc60233b33f2e8fdde7-mz749.jpeg.webp)
«Niekatoraja čyrvonaja ryba ad «Santa Bremar» stała bolš padobnaja na ružovuju», — napisaŭ u čat-bot čytač Jahor i prykłaŭ fota.
![](http://d3kcf2pe5t7rrb.cloudfront.net/img/w732d4webp1/photos/z_2023_05/c2ca9b8864d00d1dd5b5ed8a10f5a7dd-ckga1.jpeg.webp)
«Ja padumaŭ: moža, z terminami prydatnaści niešta nie toje, ale nie, usio ŭ paradku. Ci, moža, hetuju rybu padfarboŭvali, i niadaŭna pamianiali farbavalnik? — vykazaŭ zdahadku Jahor. — Takuju źbialełuju siomhu ja ŭbačyŭ adrazu ŭ niekalkich kramach».
«Santa Bremar»: z hetaj rybaj usio ŭ paradku
Voś što rastłumačyli ŭ słužbie jakaści kampanii «Santa Bremar»:
«Źviartajem vašu ŭvahu, što na pradstaŭlenych fatahrafijach paraŭnoŭvajecca roznaja ryba łasasiovych parod: siomha i stronha. Kožnaja ź ich, z ulikam roznych areałaŭ pasialeńnia i, viadoma ž, źviazanaha z hetym charčavańnia, moža mieć svaje dapuščalnyja kalarovyja adroźnieńni.
Koler miasa łasasiovych ryb moža varjiravacca ad bledna-ružovaha da aranžavaha — dla siomhi i ad ružova-aranžavaha da čyrvona-aranžavaha abo čyrvonaha — dla stronhi.
Takim čynam, koler hatovaha praduktu adpaviadaje patrabavańniam TU BY 200656098.093-2018 «Pradukcyja charčovaja rybnaja salonaja. Ryby łasasiovyja. Techničnyja ŭmovy».
My šanujem svaju reputacyju i kłapocimsia ab jakaści pradukcyi, jakuju vypuskajem. Naša pradpryjemstva ažyćciaŭlaje abaviazkovy ŭvachodny kantrol kožnaj partyi syraviny, jakaja pastupaje pa ŭsich patrabavanych pakazčykach. Na pierapracoŭku pastupaje tolki jakasnaja syravina. U chodzie technałahičnaha pracesu my taksama kantralujem vykanańnie ŭsich nieabchodnych norm i paramietraŭ pracesu vytvorčaści.
Hatovaja pradukcyja praviarajecca na adpaviednaść pa arhanaleptyčnych pakazčykach (smak, pach, koler, kansistencyja), fizika-chimičnych i mikrabijałahičnych pakazčykach. U realizacyju pastupaje pradukcyja, jakaja adpaviadaje patrabavańniam, ustanoŭlenym da jaje jakaści i biaśpieki.
Na pradpryjemstvie nie vykarystoŭvajucca farbavalniki dla karekcyi koleru ryby».
Čytajcie taksama:
Čym karysnaja sparža, jak jaje vybrać i što ź jaje možna pryhatavać
Stronha, faršyravanaja bułhuram, z harodninaj i miatnym johurtam
Kamientary