15 sutak prysudziŭ sud Čašnickaha rajona pastaru Carkvy Chryścijan Viery Jevanhielskaj Alaksandru Zareckamu. Pra zatrymańnie pastara «Viciebskaj viaśnie» raspaviali miascovyja žychary.
Pastara asudzili za «raspaŭsiudžvańnie ekstremisckich materyjałaŭ» (č. 2 art. 19.11 KaAP) praz «łajki» i kamientaryi da materyjałaŭ ź internet-resursaŭ, pryznanych ekstremisckimi.
Pastar Alaksandr Zarecki byŭ adnym z tych, chto paśla padziej žniŭnia 2020 hoda padpisaŭ kalektyŭny Adkryty list chryścijan Biełarusi suprać hvałtu. Z hetaj nahody jon mieŭ hutarku ŭ Čašnickim RAUS i ŭ rajonnym adździele ideałohii. 8 lipienia 2021 hoda pa miescy jaho žycharstva praviali pieratrus z nahody kryminalnaj spravy, u jakoj jon mieŭ status śviedki.
Na pačatku 2022 hoda Jevanhielskaja carkva ŭ Novałukomli atrymała admovu ad Departamienta pa humanitarnaj dziejnaści nakont rehistracyi humanitarnaj dapamohi na sumu 25625 šviedskich kron, atrymanaj ad dabračynnaj arhanizacyi «Oss-Chielpien» (Šviecyja). Siarod humanitarnaj dapamohi, dasłanaj u Novałukoml, byli invalidnyja vazki, adzieńnie, abutak, mebla, posud.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary